Hazrat Sayyed Shaah Jalaal-ud-deen Hammaad Qaadri rahmatullāhi alaihi :
Alqaab :
‾‾‾‾‾‾‾‾‾‾
Maashooq-e-Rabbaani, Jamaal-ul-Bahr.
****************
Aap ki wilaadat 7 Rajab 896 Hijri (16 May 1491 A.D.) ko Baghdad me hui.
Aap ke waalid ka naam Hazrat Sayyed Hasan Abdul Qaadir bin Sayyed Ahmad Qaadri hai.
Aap Hazrat Ghauṡe aazam Shaikh Sayyed Abdul Qaadir Jilani radiy-Allāhu ta’ala anhu ki 11wi pusht se hain.
****************
Aap ne apne waalid se ta’aleem haasil ki.
12 saal ki umr me Aap ne Uloom-e-Zaahiri ki ta’aleem mukammal kar li.
Phir Aap ke waalid ne Aap ko Khirqa e Khilaafat ata farmaaya.
Phir waalidain ki ijaazat lekar Aap apne saathiyo ke saath Makka mukarrama tashreef le gaye aur phir Madeena munawwara aaye. Yaha Aap 2 saal qayaam pazeer rahe.
Phir ek martaba Huzoor Rasool-Allāh sallallāhu alaihi wa sallam ne Aap ko Hindustan jaane ke liye farmaaya.
Bashaarat paakar safar karte hue Aap Sultaan Quli Qutub Shaah ke zamaane me 916 Hijri (1510 A.D.) me Warangal ke qareeb Somawaram tashreef laaye aur Hanamkonda me pahaad par 12 saal tak Mujaahida aur Muraaqaba kiya.
Ek martaba ek Jogi ne ek bada patthar Aap par phenka. Aap ne apni ungliyo ka ishaara kiya to ALLĀH ke fazl se woh patthar wahi rook gaya. Us patthar par Aap ki ungliyo ke nishaan aaj bhi maujood hai.
Phir Aap Qazipura tashreef laaye aur ijaazat lekar Hazrat Qaazi Zia-ud-deen Shaheed ke mazaar par qayaam pazeer hue.
****************
Aap saahibe karaamat aur saahibe kashf the.
Warangal ke haakim ne Aap ko ek bahot qeemati aur khubsurat ghoda diya tha. Ek martaba aap ke mureedo aur durwesho ko bahot dino tak khaana nahi mila. Is liye Aap ne us ghode ko zibah karke sab ko us ka gosht khila diya.
Jab us haakim ko is baat ka pata chala to woh bahot na-raaz hua aur us ne Hazrat se us ghode ko waapas dene ke liye kaha. Aap ne apne mureedo ko ghode ki haddiya jama karke waha laane ke liye kaha. Us ke baad Aap ne un haddiyo par ek nazar daali aur farmaaya “Qum bi iznillāh.” Aur foran ALLĀH ke fazl se us me se woh ghoda zinda ho gaya. Yeh dekhkar woh haakim Aap ke qadmo me gir gaya aur Aap ko Ranga Samudram taalaab ki jaagir ata farmai.
****************
Aap ki 2 biwiya, 3 saahabzaade aur 1 saahabzaadi hain.
2 saahabzaade aur saahabzaadi ka bachpan me hi intiqaal hua.
****************
Aap (apne waalid) Hazrat Shaikh Sayyed Hasan Abdul Qaadir Qaadri rahmatullāhi alaihi ke mureed aur khalifa hain.
Aap ke khalifa (aap ke saahabzaade) Hazrat Shaikh Sayyed Ghauṡ Moeen-ud-deen Qaadri rahmatullāhi alaihi hain.
****************
Aap ka wisaal 22 Rajab 999 Hijri ko hua.
Aap ka mazaar Warangal (Telangana) me hai.
****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Maashooqe Rabbaani Sayyed Shaah Jalaal-ud-deen Hammaad Qaadri rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa'iz muraado ko puri farmae.
Aameen.
Alqaab :
‾‾‾‾‾‾‾‾‾‾
Maashooq-e-Rabbaani, Jamaal-ul-Bahr.
****************
Aap ki wilaadat 7 Rajab 896 Hijri (16 May 1491 A.D.) ko Baghdad me hui.
Aap ke waalid ka naam Hazrat Sayyed Hasan Abdul Qaadir bin Sayyed Ahmad Qaadri hai.
Aap Hazrat Ghauṡe aazam Shaikh Sayyed Abdul Qaadir Jilani radiy-Allāhu ta’ala anhu ki 11wi pusht se hain.
****************
Aap ne apne waalid se ta’aleem haasil ki.
12 saal ki umr me Aap ne Uloom-e-Zaahiri ki ta’aleem mukammal kar li.
Phir Aap ke waalid ne Aap ko Khirqa e Khilaafat ata farmaaya.
Phir waalidain ki ijaazat lekar Aap apne saathiyo ke saath Makka mukarrama tashreef le gaye aur phir Madeena munawwara aaye. Yaha Aap 2 saal qayaam pazeer rahe.
Phir ek martaba Huzoor Rasool-Allāh sallallāhu alaihi wa sallam ne Aap ko Hindustan jaane ke liye farmaaya.
Bashaarat paakar safar karte hue Aap Sultaan Quli Qutub Shaah ke zamaane me 916 Hijri (1510 A.D.) me Warangal ke qareeb Somawaram tashreef laaye aur Hanamkonda me pahaad par 12 saal tak Mujaahida aur Muraaqaba kiya.
Ek martaba ek Jogi ne ek bada patthar Aap par phenka. Aap ne apni ungliyo ka ishaara kiya to ALLĀH ke fazl se woh patthar wahi rook gaya. Us patthar par Aap ki ungliyo ke nishaan aaj bhi maujood hai.
Phir Aap Qazipura tashreef laaye aur ijaazat lekar Hazrat Qaazi Zia-ud-deen Shaheed ke mazaar par qayaam pazeer hue.
****************
Aap saahibe karaamat aur saahibe kashf the.
Warangal ke haakim ne Aap ko ek bahot qeemati aur khubsurat ghoda diya tha. Ek martaba aap ke mureedo aur durwesho ko bahot dino tak khaana nahi mila. Is liye Aap ne us ghode ko zibah karke sab ko us ka gosht khila diya.
Jab us haakim ko is baat ka pata chala to woh bahot na-raaz hua aur us ne Hazrat se us ghode ko waapas dene ke liye kaha. Aap ne apne mureedo ko ghode ki haddiya jama karke waha laane ke liye kaha. Us ke baad Aap ne un haddiyo par ek nazar daali aur farmaaya “Qum bi iznillāh.” Aur foran ALLĀH ke fazl se us me se woh ghoda zinda ho gaya. Yeh dekhkar woh haakim Aap ke qadmo me gir gaya aur Aap ko Ranga Samudram taalaab ki jaagir ata farmai.
****************
Aap ki 2 biwiya, 3 saahabzaade aur 1 saahabzaadi hain.
2 saahabzaade aur saahabzaadi ka bachpan me hi intiqaal hua.
****************
Aap (apne waalid) Hazrat Shaikh Sayyed Hasan Abdul Qaadir Qaadri rahmatullāhi alaihi ke mureed aur khalifa hain.
Aap ke khalifa (aap ke saahabzaade) Hazrat Shaikh Sayyed Ghauṡ Moeen-ud-deen Qaadri rahmatullāhi alaihi hain.
****************
Aap ka wisaal 22 Rajab 999 Hijri ko hua.
Aap ka mazaar Warangal (Telangana) me hai.
****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Maashooqe Rabbaani Sayyed Shaah Jalaal-ud-deen Hammaad Qaadri rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa'iz muraado ko puri farmae.
Aameen.
0 تبصرے
اپنا کمینٹ یہاں لکھیں