برصغیر میں اہل سنت وجماعت کی اکثریت
آج بھی برصغیر میں اہل سنت وجماعت کی اکثریت ہے۔جس طرح جدید فقہی مسائل کے حل کے لئے فقہی مجالس قائم کی گئی ہیں اور سیمینار کا انعقاد ہوتا ہے۔اسی طرح مختلف فیہ عقائد ومسائل کے حل کے لئے بھی کوئی تدبیر اختیار کی جائے۔ہم آپ تو نہیں رہیں گے,لیکن دین ومذہب باقی رہے گا,لہذا حتی الامکان یکے بعد دیگرے اختلافی مسائل کے حل کی کوشش کی جائے۔جب تک فریقین باحیات ہوں تو حل مسائل کی صورت اپنائی جا سکتی ہے۔بعد وفات حل کی صورت بہت مشکل ہے۔
بلبلیں اڑ جائیں گی سونا چمن رہ جائے گا
بس رسول اللہ کا دین حسن رہ جائے گا
خاص کر اعتقادی مسائل میں یکسانیت کی کوشش ہو,کیوں کہ اعتقادی مسائل میں اختلاف کے سبب بسا اوقات سخت حکم عائد ہوتا ہے۔پہلے اعتقادی اختلاف کو ختم کرنے کے واسطے سنجیدگی اختیار کی جائے,پھر ان شاء اللہ تعالی اتحاد کے راستے بھی کھل جائیں گے۔اعتقادی اختلافات کو دور کئے بغیر اتحاد شرعا جائز بھی نہیں,کیوں کہ عہد حاضر کے تمام مختلف فیہ اعتقادی مسائل ایسے نہیں جن میں اختلاف جائز ہو۔
طارق انور مصباحی
جاری کردہ:16:جنوری 2023
0 تبصرے
اپنا کمینٹ یہاں لکھیں