بیت الخلاکی ٹینکی پر نماز پڑھنا کیسا؟

بیت الخلاکی ٹینکی پر نماز پڑھنا کیسا؟

➖➖➖➖➖➖➖➖➖➖➖

اَلسَّلامُ عَلَيْكُم ورحمت اللہ وبرکاتہ

کیا فرماتے ہیں علماۓ کرام اس سوال کے جواب میں کہ زید ایک مکان بنایا اور مکان کے بغل میں بیت الخلا بنایا ہے اور بیت الخلا کی ٹنکی اسی مکان کے نیچے ہے اور ٹنکی کے اوپر بڑا سا کمرہ ہے جس میں لوگ رہتے ہیں اب سوال یہ ہےکہ اس کمرہ میں نماز و قرآن پڑھنا کیسا ہے اور اس کمرہ رہنا کیسا ہے قرآن وحدیث کی روشنی میں جواب ارسال فرماٸیں نوازش ہوگی۔ 

  *ساٸل : محمد اکرام الحق جھارکھنڈ*

*"""""""""""""""""""""""""""""""""""""""""""""""""""""""""*

  *🔹وعلیکم السلام ورحمة اللہ وبرکاتہ🔹*

*✒ جواب؛________↓↓↓*

صورت مسئولہ میں ایسے فرش جن کے نیچے استنجاء خانہ کی ٹینکی بنی ہوئی ہو اس پر نماز پڑھنا جائز و درست ہے کیونکہ اگر شیشہ پر نماز پڑھی جائے اور اس کے نیچے نجاست ہے اگرچہ نجاست نمایاں ہو تو نماز ہوجائے گی

[📖 جیسا کہ فتاوی شامی میں ہے کہ👇🏻

*" لوصلى على زجاج يصف ماتحته قالوا جميعا يجوز " اھ*

(📚 فتاوی شامی ج 2 ص 68 : باب شروط الصلاة )

[📖 اور فتاوی عالمگیری میں ہے کہ👇🏻

*" اذا صلى حجر الرحى او على باب او بساط غليظ او على مكعب ظاهره طاهر و باطنه نجس يجوز عند محمد رحمه الله تعالى وبه كان يفتى الشيخ ابو بكر الاسكاف وهو الاشبه بالترجيح هكذا فى شرح المنية " اھ*

*_🖌 یعنی؛_* اگر چکی کے پتھر یا دروازے پر یا موٹے بچھونے اور مکعب پر نماز پڑھی اور وہ اوپر سے پاک ہے اور نیچے نجس تو امام محمد رحمہ اللہ تعالی کے نزدیک نماز جائز ہوگی شیخ ابوبکر اسکاف اسی پر فتوی دیتے تھے اور یہی ترجیح کے لائق ہے ایسا ہی شرح منیة المصلی میں ہے " اھ

*(📚 فتاوی عالمگیری ج 1 ص 62 : الباب الثالث فی شروط الصلوۃ ، الفصل الثانی فی طھارة ما یستر به العورة و غیرہ )*

[📖 اور ایساہی فتاوی شامی میں ہےکہ👇🏻

*" لو صلى على حجر الرحى او على باب او بساط غليظ او مكعب اعلاه طاهر و باطنه نجس يجوز عند محمد رحمه الله تعالى يجوز لانه صلى فى موضع طاهر كثوب طاهر تحته ثوب نجس " اھ*

[📖 اور اسی صفحہ پر ہے کہ؛👇🏻

*" اذا كانت النجاسة على باطنه اللبنة او الاجرة و صلى على ظاهرها جاز ...... و اذا صابت الارض نجاسة ففرشها بطين او جص فصلى عليها جاز ملخصا " اھ*

(📚 فتاوی شامی ج 2 ص 334 : کتاب الصلوۃ ، مطلب فی التشبہ باھل الکتاب )

              *واللہ اعلم بالصواب*

*""""""""""""""""""""""""""""""""""""""""""""""""""""""""*

✍ شرف قلم؛ حضرت علامہ مفتی کریم اللہ رضوی صاحب قبلہ مدظلہ العالی والنورانی؛؛*ذ

استاذ و مفتی؛ دار العلوم مخدومیہ اوشیورہ برج جوگیشوری ممبئی؛؛📞 7666456313

➖➖➖➖➖➖➖➖➖➖➖