حضرت مولانا شاہ حامد رضا بریلوی رحمۃ اللّٰه علیہ

📚 « مختصــر ســوانح حیــات » 📚

-----------------------------------------------------------حضرت مولانا شاہ حامد رضا بریلوی رحمۃ اللّٰه علیہ

➖➖➖➖➖➖➖➖➖➖➖

نام و نسب:

*نام:* محمد۔ معروف بہ حامد رضا۔ 

*لقب:* حجۃ الاسلام

اعلیٰ حضرت امام اہلسنت علیہ الرحمہ کے بڑے شہزادے۔

*تاریخِ ولادت:* ماہ ربیع الاول 1292ھ بمطابق 1875ء میں اپنےدادا مولانا نقی علی خان کے گھر بریلی میں پیدا ہوئے۔

*تحصیلِ علم:* آباؤ اجداد کی شاندار روایات کے مطابق درسیات تمام وکمال والد ماجد سے پڑھی19 سال کی عمر میں تمام مروجہ درسیات کی کتب سے فارغ التحصیل ہوۓ۔ علم و عمل میں باکمال والدِ ماجد کے جانشین، عربی نظم و نثر میں منفرد اسلوب رکھتے تھے۔ زمانۂ تعلیم میں ہی آپ نے درسیات کی امہات الکتب ،خیالی، توضیح تلویح، ہدایہ اخیرین، صحیح بخاری پر حواشی لکھ کر اپنے والد کی خدمت میں پیش کیا تو اعلیٰ حضرت نے "قال الولد الاعز" لکھ کر اپنے صاحبزادے کو دادِ تحسین فرمائی۔ جب گلستانِ رضا کا یہ پھول ہر سو خوشبو پھیلانے لگا تو مجدد دین و ملت نے اپنے اکابر خلفاء کی موجودگی میں!

"حامدمنی و انا من حامد" فرما کر آپ کی عظمت و فضیلت پر مہر ثبت کردی ۔

*بیعت و خلافت:* آپ حضرت مخدوم شاہ ابو الحسن احمد نوری مارہروی قدس سرہٗ کے مرید و خلیفہ تھے۔ والد ماجد سے بھی تمام سلاسل میں اجازت وخلافت حاصل تھی۔

*سیرت:* حسن معنوی کیساتھ ساتھ حُسن ظاہری میں بھی وحیدِ زمانہ تھے۔ صاف ستھری طبیعت کے مالک، تلامذہ، مریدین اور ناداروں کی دستگیری آپ کا شیوہ تھا۔ آپ اُن تمام خوبیوں کے جامع تھے جو ایک مجدد کے جانشین میں ہونی چاہئے تھیں۔ ساری زندگی اپنے والد گرامی کے مشن کو پھیلاتے رہے، ہر قسم کی گمراہ کن تحریکوں کے اثراتِ بد سے ملت اسلامیہ کی حفاظت فرماتے رہے۔

وصال: 17/جمادی الاول 1362ھ، کو وصال فرمایا۔ مزار شریف بریلی میں مرجعِ خلائق ہے۔

➖➖➖➖➖➖➖➖➖➖➖

المرتب📝 شمـــس تبـــریز نـــوری امجـــدی بانی گروپ فیضـــانِ دارالعـــلوم امجـــدیہ ناگپور 966551830750+📲

➖➖➖➖➖➖➖➖➖➖➖