کیا عورت پیتل یا تانبا کی بنی زیورات مثلاً گلے کا ہار کان کی بالی وغیرہ پہن سکتی ہے؟

*🕯 « احــکامِ شــریعت » 🕯*

-----------------------------------------

کیا عورت پیتل یا تانبا کی بنی زیورات مثلاً گلے کا ہار کان کی بالی وغیرہ پہن سکتی ہے؟📚

➖➖➖➖➖➖➖➖➖➖➖

 ☆ *اَلسَّــلَامْ عَلَیْڪُمْ وَرَحْمَةُ اللہِ وَبَرَڪَاتُہْ*☆

 *الـســــوال:*

*علمائے کرام و مفتیان عظام مسئلہ ذیل کے بارے میں کہ کیا عورت پیتل یا تانبا کی بنی زیورات مثلاً گلے کا ہار کان کی بالی وغیرہ پہن سکتی ہے اور اگر نہیں پہن سکتی تو اس کے بارے میں کیا حکم ہے اور اس کی نماز ہوگی یہ نہیں قرآن و آحادیث کی روشنی میں جواب عنایت فرمائیں۔*

*الســائل 👈 محمد نوشاد رضوی سیہاپور بلرام پور یوپی*

*🧡ـــــــــــــــــــ❄️🌀❄️ـــــــــــــــــــــــ🧡*

*وَعَلَیْڪُمْ اَلسَّــلَامْ وَرَحْمَةُ اللہِ وَبَرَڪَاتُہ*  

*الجـــــوابــــــــــــ: بعون الملک الوہاب*

*پیتل، تانبے، لوہے وغیرہ کے زیورات پہننا مرد و عورت دونوں کے لئے ناجائز و حرام ہے*

*جیساکہ حضور صدرالشریعہ علیہ الرحمہ تحریرفرماتے ہیں کہ*

*"انگوٹھی صرف چاندی ہی کی پہنی جا سکتی ہے، دوسری دھات کی انگوٹھی پہننا حرام ہے، مثلاً لوہا، پیتل، تانبا، جست وغیرہا ان دھاتوں کی انگوٹھیاں مردوعورت دونوں کے لئے ناجائز ہیں۔ فرق اتنا ہےکہ عورت سونا بھی پہن سکتی ہے اور مرد نہیں پہن سکتا-*

*حدیث میں ہے کہ ایک شخص حضورصلی اللہ تعالیٰ علیہ وسلم کی خدمت میں پیتل کی انگوٹھی پہن کر حاضرہوئے،(حضورصلی اللہ علیہ وسلم نے) فرمایا: کیا بات ہےکہ تم سے بت کی بو آتی ہے؟ انہوں نے وہ انگوٹھی پھینک دی پھر دوسرے دن لوہے کی انگوٹھی پہن کر حاضر ہوئے، فرمایا: کیا بات ہے کہ تم پر جہنمیوں کا زیور دیکھتا ہوں ؟انھوں نے اس کو بھی اتار دیا اور عرض کی، یارسول اللہ صلی اللہ علیہ وسلم کس چیزکی انگوٹھی بناؤں؟ فرمایا کہ "چاندی کی اوراس کوایک مثقال پورانہ* *کرنا-" (درمختار،ردالمحتار) بہار شریعت حصہ شانزدہم انگوٹھی اور زیور کا بیان* 

*حضرت علامہ ابن عابدین شامی قدس سرہ الشامی تحریرفرماتے ہیں: "فی الجوہرۃ والتختم بالحدید والصفر والنحاس والرصاص مکروہ للرجال والنساء-"(ردالمحتار ج٥ص ٢٣٩)*

*ماخوذ فتاوی فقیہ ملت جلد دوم صفحہ ٣٥٠*

*پیتل،تانبا وغیرہ ان دھاتوں کے زیورات پہن کر نماز پڑھنا جائز نہیں۔* 

*جیساکہ حضور اعلی حضرت امام احمد رضا خان محدث بریلوی رضی عنہ ربہ القوی احکام شریعت حصہ دوم صفحہ ١٧٠میں تحریر فرماتےہیں : گھڑی کی زنجیر سونے چاندی کی مرد کو حرام اور دھاتوں کی ممنوع ہے اور جو چیزیں ممنوع کی گئی ہیں ان کو پہن کر نماز اور امامت مکروہ تحریمی ہیں۔ ماخوذ فتاویٰ فقیہ ملت جلد دوم صفحہ ٣٥١*

*وَاللّٰــــهُ تعـــالی اَعـــلَمُ بِــالصَّــــوَاب*

*🧡ـــــــــــــــــــ❄️🌀❄️ـــــــــــــــــــــــ🧡*

*✍️کتبــــــــــــــــہ:*

*حــضـــرت عـــلامــہ و مـــولانــا محمـــــد ابـــراہــیــم خــان الـقـــادری الرضـــــوی الامجــــدی عـفـی عــنـہ صـاحـب قبـلـہ مـدظلــہ الـعالـی والـنـوارنــی، خـطـیــب و امـام غــوثــیـہ جـامـع مـســجـد شــانـتـی نــگــر بـھـیــونــڈی مـہـاراشــٹـــر الـھـنـــد*

*☎️+91 72 76 55 69 12*

*✔️ الـجـواب صـحـیــح ✔️*

*حــضـــرت عـــلامــہ و مولانا مفتی محمـــــد اســـمــاعــیــل خــان الـقـــادری الرضـــــوی الامجــــدی عـفـی عــنـہ صـاحـب قبـلـہ مـدظلــہ الـعالـی والـنـوارنــی، مقام دولـھـاپـور پـہـاڑی پـوسـٹ انـٹـیـاتـھـوک بـازار ضـلـــع گــونــڈہ یـــوپـــی*

*🧡ـــــــــــــــــــ❄️🌀❄️ـــــــــــــــــــــــ🧡*