کیا اللہ تعالی ستر ماؤں سے بھی زیادہ پیار کرتا ہے؟

سوال: کیا اللہ تعالی ستر ماؤں سے بھی زیادہ پیار کرتا ہے؟

*کیا یہ درست ہے مدلل جواب عنایت فرمائیں بہت بہت مہربان ہوگی*

*🌹سائل:-محمد نور عالم آسامی🌹*

*📝الجواب بعون الملک الوھاب :*

*🏷اللہ تعالی کا بندوں سے ستر ماؤں سے زیادہ محبت کرنا (عدد کی تخصیص کے ساتھ) حدیث میں مذکور نہیں ھے؛ لیکن اس سلسلے میں ایک روایت*

*بخاری و مسلم " کی پیش کی جاتی ھےکہ*

*جس میں اللہ تعالی کا بندوں سے ماں سے زیادہ محبت کا ذکر ملتا ھے,*

*قدِمَ على النبيِّ صلَّى اللهُ عليه وسلَّم سَبيٌ، فإذا امرأةٌ من السبيِ قد تحلُبُ ثَديَها تَسقي، إذا وجدَتْ صبيًّا في السبيِ أخذَتْه، فألصقَتْه ببَطنِها وأرضعَتْه، فقال لنا النبيُّ صلَّى اللهُ عليه وسلَّم :  أترَونَ هذه طارحَةً ولدَها في النارِ . قُلنا : لا، وهي تقدِرُ على أن لا تطرَحَه، فقال : ( لَلّهُ أرحَمُ بعبادِه من هذه بولَدِها* 

*📕الراوي: عمر بن الخطاب*

*المحدث: البخاری المصدر: صحيح البخاري الرقم: 5999  خلاصة حكم المحدث:* 

_[صحيح]_

_ترجمہ:_

*نبی کریم صلی اللہ علیہ وسلم کے پاس کچھ قیدی آئے قیدیوں میں ایک عورت تھی جس کا پستان دودھ سے بھرا ہو تھا اور وہ دوڑ رہی تھی ، اتنے میں ایک بچہ اس کو قیدیوں میں ملا اس نے جھٹ اپنے پیٹ سے لگا لیا اور اس کو دودھ پلانے لگی ۔ ہم سے حضور اکرم صلی اللہ علیہ وسلم نے فرمایا کہ کیا تم خیال کر سکتے ہو کہ یہ عورت اپنے بچہ کو آگ میں ڈال سکتی ہے ہم نے عرض کیا کہ نہیں جب تک اس کو قدرت ہوگی یہ اپنے بچہ کو آگ میں نہیں پھینک سکتی ۔ حضور صلی اللہ علیہ وسلم نے اس پر فرمایا کہ اللہ اپنے بندوں پر اس سے بھی زیادہ رحم کرنے والا ہے جتنا یہ عورت اپنے بچہ پر مہربان ہو سکتی ہے ۔*

*✨البتہ مسلم شریف کی ایک روایت میں ھے: کہ اللہ کی رحمت کے 100 درجہ  ھیں جن میں سے ایک درجہ رحمت اللہ نے انسانوں جناتوں چوپاؤں وغیرہ میں رکھی ھے اسی کی بنا پر وہ آپس میں محبت و الفت اور باہمی رحمدلی اور نرمی, اور اپنے بچوں پر شفقت  کرتے ہیں, اور باقی 99 درجہ رحمت اللہ نے قیامت کے لیے رکھ چھوڑی ہے جسکے ذریعہ ﷲ قیامت کے دن اپنے بندوں پر رحم فرمایئگا۔*

*في صحيح مسلم عن أبي هريرة ، عن النبي صلى الله عليه وسلم قال : ( إن لله مائة رحمة ، أنزل منها رحمة واحدة بين الجن والإنس والبهائم والهوام ، فبها يتعاطفون ، وبها يتراحمون ، وبها تعطف الوحش على ولدها ، وأخر الله تسعا وتسعين رحمة ، يرحم بها عباده يوم القيامة )*

*📄مسلم / 6908 .خلاصہ:*

*مذکورہ روایت کی روشنی میں کہا جاسکتا ہے: کہ اللہ تعالی ماں کی رحمدلی سے زیادہ اپنے بندوں پرمہربان ہے؛ مگر عدد مخصوص کرنا صحیح نہیں ہے.*

*🌹واللہ اعلم🌹*

*✍ازقلم حضرت علامہ ومولانا محمداسماعیل خان امجدی مد ظلہ العالی والنورانی  خادم التدریس دارالعلوم شہید اعظم دولہا پور پہاڑی انٹیا تھوک بازار ضلع گونڈہ یوپی*

*۳۰ دسمبر بروز پیر ۲۰۱۸*

*رابطہ* *919918562794+📞*