عید الاضحی کے دن قربانی کے جانور سے پہلے کلیجی کھانے کو مسنون سمجھتے ہیں کیا یہ درست ہے

*💙السلام علیکم و رحمۃ اللہ وبرکاتہ💙*
*کیا فرماتے ہیں علماء دین ومفتیان شرع متین اس مسئلہ میں*
*کہ بعض لوگ عید الاضحی کے دن قربانی کے جانور سے پہلے کلیجی کھانے کو مسنون سمجھتے ہیں کیا یہ درست ہے؟*
*اور کلیجی کھانا جائز ہے یا نہیں؟* 
*📖دلیل کے ساتھ جواب عطاء فرمایں مہربانی ہوگی.*
*🖌️سائل:- نسیم عالم.غازی پور یوپی.*

*🔳___________🟫🤍🟫___________🔳*
               *🟩️""'''"""""""""""""""""""🟩*

       *⚪وعليكم السلام ورحمۃاللہ وبرکاتہ⚪*
        *(((🕋)))باسمہ تعالی وتقدس(((🕋)))*

*✍️الجواب، بعون الملک الوھاب،اللھم ھدایۃ الحق والصواب👇*
               *{{{{{{{الجواب الاول}}}}}}}👇*
*جی ہاں قربانی کے جانور میں سب سے پہلے کلیجی کھانا سنت ہے جیساکہ حضور سیدعالم ﷺ قربانی کے جانور میں سب سے پہلے کلیجی تناول فرمایا کرتے تھے اور یہ آپ کا معمول مبارکہ رہا.جیساکہ "السنن الکبری للبیھقی" میں ہے👇* 
*"عَن بُرَيْدَةَ رَضيَ الله عنه قَالَ كَانَ رَسُولُ اللهِ صَلَّى اللهُ عَلَيْهِ وَسَلَّمَ إِذَا كَانَ يَوْمُ الْفِطْرِ لَمْ يَخْرُجْ حَتَّى يَأْكُلَ شَيْئًا،وَإِذَا كَانَ الْأَضْحَى لَمْ يَأْكُلْ شَيْئًا حَتَّى يَرْجِعَ، وَكَانَ إِذَا رَجَعَ أَكَلَ مِنْ كَبِدِ أُضْحِيَتِه"*
*🖌️{ترجمہ}:- حضرت بریدہ رضی اللہ عنہ سے مروی ہے کہ نبی کریم ﷺ عیدالفطر کے دن اپنے گھر سے کچھ کھائے پیے بغیر نہیں نکلتے تھے، اور عیدالاضحی کے دن نماز عید سے فارغ ہو کر آنے تک کچھ کھاتے پیتے نہ تھے،اور آپ صلی اللہ علیہ وسلم قربانی کے جانور میں سے ابتدا کلیجی تناول فرمانے سے کرتے تھے.*
*📓السنن الكبرى للبيهقي،جلدسوم.كتاب صلاة العيدين، باب يترك الأكل يوم النحر حتى يرجع.صفحہ ٤٠۱...*

*📃نبیِ کریم صلَّی اللہ تعالٰی علیہ واٰلہٖ وسلَّم کا معمول تھا کہ نمازعید الاضحیٰ سے فارغ ہونے کےبعد اپنے دستِ مبارک سے قربانی کے جانور کو ذبح فرماتے اور کلیجی پکانے کا حکم دیتے،جب وہ تیار ہوجاتی تو اس سے تناول فرماتے۔ قربانی کرنےوالے کے لئے سنّت ہے کہ قربانی کے گوشت میں سےسب سے پہلے کلیجی کھائے کہ اس میں نبی پاک صلَّی اللہ تعالٰی علیہ واٰلہٖ وسلَّم کے عمل سے مشابہت اور نیک شگون ہے کیونکہ اہل جنّت کو جنت میں سب سے پہلے اس مچھلی کی کلیجی کھلائی جائے گی جس پر زمین ٹھہری ہوئی ہے.* 
*📔المدخل،جلداول،صفحہ۲٠۵ ملخصاً*

               *{{{{{{{الجواب الثانی}}}}}}}👇*
*کلیجی کھانا جائز و درست ہے حلال جانور کے سارے اجزاء حلال ہے صرف بائیس اجزاء جسے کھانا حرام یا ممنوع یامکروہ قرار دیاگیا.*
*📄اسی نوعیت کے ایک سوال کے جواب میں سیدی سرکار اعلحضرت علیہ رحمۃالرحمن ارشاد فرماتے ہیں👇*
*حلال جانور کے سب اجزاء حلال ہیں مگر بعض کہ حرام یا ممنوع یامکروہ ہیں {۱}رگوں کا خون {۲}پِتّا {۳}پُھکنا {یعنی مَثانہ} {٤.۵} علاماتِ مادہ ونَر {٦} بَیضے {یعنی کپورے}{۷}غُدود {۸}حرام مَغز {۹}گردن کے دوپٹھے کہ شانوں تک کھنچے ہوتے ہیں {۱٠}جگر {یعنی کلیجی} کا خون {۱۱}تِلی کا خون {۱۲} گوشْتْ کا خون کہ بعدِ ذَبْح گوشْتْ میں سے نکلتا ہے {۱۳}دل کا خون {۱٤}پِت یعنی وہ زَرد پانی کہ پِتّے میں ہوتاہے {۱۵}ناک کی رَطُوبت کہ بَھیڑ میں اکثر ہوتی ہے {۱٦} پاخانے کا مقام {۱۷}اَوجھڑی {۱۸}آنتیں {۱۹}نُطْفہ{۲٠}وہ نُطْفہ کہ خون ہوگیا {۲۱} وہ (نُطْفہ) کہ گوشْتْکا لوتھڑا ہوگیا {۲۲}وہ کہ{نُطْفہ}پورا جانور بن گیا اور مردہ نکلا یا بے ذَبْح مرگیا"*
*📗فتاوٰی رضویہج۲۰ ص ۲۴۰ ، ۲۴۱}*

*🟦___________🗯️🟣🗯️___________🟦*
                *🔳""'''"""""""""""""""""""🔳*

        *🕋واللہ تعالی اعلم وعلمہ اتم واحکم🕋*
                *🔲""'''"""""""""""""""""""""🔲*

         *(((((((✍️شرف قلم )))))))))👇*
*عبدہ العاصی الفقیر محمدامتیازعالم رضوی مجاہدی عفی عنہ بحمدہ المصطفی ﷺ*
 *خطیب و امام چھکو جامع مسجد، وخادم التدریس والافتاء مدرسہ غوثیہ نظامیہ بھوٹ بگان لین گھسڑی ہوڑہ،،*
*🗓️۱۳/شوال المکرم ۱٤٤٤ھ بمطابق ٤/مئی/ ۲۰۲۳ء*
*📲موبائل نمبر👈8777891405*
*🤍🤍🤍🤍🤍🤍🤍🤍🤍🤍🤍🤍*

ایک تبصرہ شائع کریں

0 تبصرے