کیا روزے کی حالت میں گلو کوز لگانا جائز ہے

*🕯 « احــکامِ شــریعت » 🕯*

-------------------------------------

📚حالت روزہ میں گلو کوز لگوانا کیسا ہے؟📚

*◆ــــــــــــــــــــــ«»«»«»«»ـــــــــــــــــــــــــ◆*

 ☆ *اَلسَّــلَامْ عَلَیْڪُمْ وَرَحْمَةُ اللہِ وَبَرَڪَاتُہْ*☆

 *الـســــوال:*

*کیا فرماتے ہیں علمائے کرام اور مفتیان عظام اس مسئلہ کے بارے میں کہ روزے کی حالت میں گلوکوز لگوا نے سے روزہ باقی رہے گا یا ٹوٹ جائے گا۔ جواب عنایت فرمائیں کرم ہوگا*

*الســائل 👈 محمد اکرم صدیقی پھولواپور سیدھات نگر یوپی*

*◆ــــــــــــــــــــــ«»«»«»«»ـــــــــــــــــــــــــ◆*

*وَعَلَیْڪُمْ اَلسَّــلَامْ وَرَحْمَةُ اللہِ وَبَرَڪَاتُہ*  

*الجـــــوابــــــــــــ:بعون الملک الوھاب اللھم ہدایت الحق بالصواب*

 *حالت روزہ میں گلوکوز لگوانے سے روزہ نہیں ٹوٹے گا ۔ جب کہ گلوکوز رگوں کے ذریعہ لگایا جائے ۔ جیسے انجکشن لگوانے سے روزہ نہیں ٹوٽتا ہے ویسے گلوکوز لگوانے سے روزہ نہیں ٹوٹے گا۔*

*جیسا کہ تاج الفقہاء حضرت علامہ مفتی محمد اخترحسین قادری علیمی صاحب قبلہ مدظلہ العالی تحریرفرماتےھیں ،، اس سلسلے میں فقہاۓ کرام کا موقف یہ ہے کہ انجکشن لگوانا مفسد صوم نہیں ہے۔*

*حضرت علامہ شارح بخاری مفتی شریف الحق امجدی علیہ الرحمہ اور حضورفقیہ ملت مفتی جلال الدین احمد الامجدی علیہ الرحمہ نے اس موضوع پر بڑی تفصیلی اور تحقیقی گفتگو فرمائی ہے اور فقہی جزئیات و کلیات سے یہ ثابت فرما دیا ہے کہ انجکشن خواہ گوشت میں لگایا جائے یا رگ میں کسی سے روزہ نہیں ٹوٹے گا ۔البتہ ایسی حالت میں انجکشن لگوانا مکروہ ہے۔*

*حضرت شارح بخاری علیہ الرحمہ کا فتوی ،، معارف (شارح بخاری صفحہ ٨٣٩)" میں اور حضورفقیہ ملت علیہ الرحمہ نے فتاوی فیض الرسول جلداول صفحہ ٥١٦ میں تحریرفرمایا ہے کہ* *تحقیق یہ ہے کہ انجکشن سے روزہ نہیں ٹوٹتاہے ۔چاہے رگ میں لگایا جائے یاگوشت میں ،،* 

*📗(فتاوی علیمیہ جلداول کتاب الصوم صفحہ ٤١٨)*

 *(مکمل تفصیل جاننے کےلۓ فتاوی فیض الرسول جلداول صفحہ ٥١٦،،٥١٧،،٥١٨ کا مطالعہ کریں)*

*گلوکوز بھی ایک طرح کا انجکشن ہی ہوتا ہے ۔جب انجکشن سے روزہ نہیں ٹوٹتا ہے تو گلوکوز سے بھی روزہ نہیں ٹوٹے گا۔*

*کیونکہ حکم شرعی یہ ہے کہ قصدا کھانے پینے اور جماع کے علاوہ ایسی دوا یا غذا سے روزہ ٹوٹے گا جو پیٹ یا دماغ میں داخل ہو دوا تر ہو یا خشک جیساکہ فتاوی عالمگیری جلداول مطبوعہ رحیمیہ صفحہ ١٠٤ میں ہے ،، وفی دواءالجائفة والامة اکثرالمشایخ علی ان العبرة للوصول الی الجوف والدماغ لا لکونه رطبااویابساحتی اذا علم ان الیابس وصل یفسد صومه ولوعلم ان الرطب لم یصل لم یفسد ھکذافی العنایة "*

 *اور گوشت میں انجکشن لگنے سے دوا پیٹ یا دماغ میں کسی منفذ کے ذریعہ داخل نہیں ہوتی بلکہ مسامات کے ذریعہ پورے بدن میں پھیل جاتی ہے اور مسامات کے ذریعہ کسی چیز کے داخل ہونے سے روزہ نہیں ٹوٹتا جیساکہ فتاوی عالمگیری جلداول صفحہ ١٠٤ میں ہے ،، وما یدخل من مسام البدن من الدھن لا یفطر ھکذا فی شرح المجمع ۔* 

*اسی طرح رگ میں انجکشن (گلوکوز) لگنے سے بھی دوا پیٹ یادماغ میں منفذ سے داخل نہیں ہوتی بلکہ رگوں سے دل یا جگر میں پہنچتی ہے ۔پھر وہاں سے رگوں کے ذریعہ ہی پورے بدن میں پھیلتی ہے ان رگوں کو شرائین یاآوردہ کہتے ہیں جوبالترتیب دل یا جگر سے نکلی ہوئی ہے۔*

*جیساکہ ماہر علم طب حضرت علامہ محمود چغینی علیہ الرحمہ تحریر فرماتے ھیں ،، اماالعروق الضوارب التی تسمی الشرائین فھی نابتة من القلب فی تجویفھا روح کثیر ودم قلیل ومنفعتھا ان تفید الاعضاء قوة الحیلة التی تحملھا من القلب ۔ وامام العروق الغیر الضوارب التی تسمی آوردہ فھی نابتة من الکبدفیھا دم کثیر او روح قلیل ومنفعتھا ان تسقی الاعضاء الدم الذی تحلمه من الکبد اھ ملخصا ،،*

*(قانونچہ صفحہ ٣٠ مطبوعہ نامی پریس لکھنؤ )*

*📗(فتاوی فقیہ ملت جلداول صفحہ ٣٤٤)*

*وَاللّٰــــهُ تَعَـــالــٰی اَعـــلَمُ بِــالصَّــــوَاب*

*◆ــــــــــــــــــــــ«»«»«»«»ـــــــــــــــــــــــــ◆*

*✍ کتبـــــــــــــــــــــــــہ:*

*حــضـــرت عـــلامــہ و مـــولانــا محمــــــــد عـتـیـق اللہ صــدیـقـی فـیــــضــــی عـفـی عــنـہ صـاحـب قبـلـہ مـدظلــہ الـعالـی والـنـوارنــی*

*دارالــعـوم اہـلـسـنـت مـحــی الاســلام بـتـھـریـاکـلاں ڈومــریـاگــنـج ســدھـارتـھ نــگـر، یــــوپــی الـــھـــــنــد*

*✅ الـجـواب صـحـیــح ✅*

*حــضـــرت عـــلامــہ و مـــولانــا محمــــــــد اســـمــاعــیــل خــان الـقـــادری الرضـــــوی الامجــــدی عـفـی عــنـہ صـاحـب قبـلـہ مـدظلــہ الـعالـی والـنـوارنــی،دولـھـاپـور پـہـاڑی پـوسـٹ انـٹـیـاتـھـوک بـازار ضـلـــع گــونــڈہ یـــوپـــی*

*✅ الجواب صحیح والمجیب نجیح*

*حــضـــرت عـــلامــہ و مـــولانــا محمــــــــد مـشــاہـد رضـــا حـشــمـتی عـفـی عــنـہ صـاحـب قبـلـہ مـدظلــہ الـعالـی والـنـوارنــی، اسـتـاذ جــامـعــہ ریاض الــجـنـہ کـیـمـری ضـلـع رامـپــور المـتـوطـن پـیـلـی بـھـیـت یـوپـــــی الـھـنـــد*

*✧✧✧ـــــــــــــــــــــــــــــــــــــــــــــــــــ✧✧✧*