فاتحہ کے بعد سورۃ ملانے کی باری آئی تو وہ جوہی پڑھنا شروع کیا ابھی ایک یا دو لفظ پڑھا تھا کہ آگے بھول گیا اور اسے دوبارہ لوٹا رہا پھر بھی اس کو یاد نہیں آرہا ہے تو اب اس صورت کیا کرے

کیا فرماتے ہیں علماء کرام اس مسئلہ کے بارے میں ایک شخص نماز پڑھ رہا تھا کہ جب اس کو سورۃ فاتحہ کے بعد سورۃ ملانے کی باری آئی تو وہ جوہی پڑھنا شروع کیا ابھی ایک یا دو لفظ پڑھا تھا کہ آگے بھول گیا اور اسے دوبارہ لوٹا رہا پھر بھی اس کو یاد نہیں آرہا ہے تو اب اس صورت کیا کرے آیا کہ وہ دوسری سورت کی طرف منتقل ہو یا سجدہ سہو کرے؟

بینوا بالتفصيل تؤجروا..

سائل محمد تبارك حسين هزاري باغ

الجواب بعون الملك الوهاب صورت مسؤلہ میں امام کو چاہیے کہ مقتدیوں کو لقمہ دینے پر مجبور نہ کرے بلکہ وہ دوسری سورت کی طرف منتقل ہوجائے یا دوسری آیت شروع کر دے بشرطیکہ اسکا وصل مفسد نماز نہ ہو جیسا کہ ردالمحتار میں ہےبل ينتقل إلى آية أخرى لا يلزم من وصلها مايفسد الصلاة أو إلى سورة أخرى أو يركع إذا قرأ قدرالفرض(ج٢ص٣٨٢)

اور اسی طرح فتاوی ہندیہ میں ہے بل يركع ان قرأ قدر ماتجوز به الصلاة والا ينتقل إلى آية أخرى اه (ج١، ص١١٠)والله تعالى اعلم بالصواب

كتبه عبده المذنب محمد توقير عالم الثقافي غفرله

١٥/رمضان المبارك ١٤٤١ھ مطابق ٩مئ ٢٠٢٠