نماز جناز کن کن جگہوں میں پڑھا سکتے ہیں

*🕯 « احــکامِ شــریعت » 🕯*

--------------------------------------------

*📚نماز جناز کن کن جگہوں میں پڑھا سکتے ہیں📚*

*◆ــــــــــــــــــــــ~~~~~~ـــــــــــــــــــــــــ◆*

 ☆ *اَلسَّــلَامْ عَلَیْڪُمْ وَرَحْمَةُ اللہِ وَبَرَڪَاتُہْ*☆

 *الـســــوال:*

*📜مفتیان کرام کی بار گاہ ناز میں ایک سوال ہے کہ میت کی نماز کس کس مقامات پر ادا کی جا سکتی ہے جیسے کہ مدرسہ یا مسجد کا صحن یا سرکاری زمین یا پرائی ویٹ زمین دیگر اس کے علاوہ ۔ برائے کرم مدلل ومفصل جواب سے نواز کر شکریہ کا موقع عطا فرمائیں۔*

*الســائل 👈 شہاب الدین علیمی بلرامپوری* 

*◆ــــــــــــــــــــــ~~~~~~ـــــــــــــــــــــــــ◆*

*وَعَلَیْڪُمْ اَلسَّــلَامْ وَرَحْمَةُ اللہِ وَبَرَڪَاتُہ*

*الجـــــوابــــــــــــ: بعون الملک الوہاب*

*صورت مسئولہ میں مسجد کے علاوہ تمام جگہ نماز جنازہ پڑھی جاسکتی ہے بشرطیکہ جس جگہ نماز جنازہ پڑھی جائے وہ جگہ پاک و صاف ہونا چاہیے۔ لیکن شارع عام اور دوسری کی زمین پرنمازجنازہ پڑھنا منع ہے جبکہ مالک زمین منع کرتا ہو* 

 *ھکذا بہارشریعت حصہ چہارم* 

*مسجد میں نماز جنازہ پڑھنا مکروہ تحریمی ہے۔* 

*📗(جیساکہ فتاوی علمگیری جلد اول صفحہ ۱۶۵ پرہے)*

*صلاۃ الجنازۃ فی المسجد الذی تقام فیہ الجماعۃ مکروھۃ اھ* 

*اور اعلحضرت امام احمد رضاخان علیہ الرحمۃ والرضوان تحریر فرماتے ہیں۔ جنازہ مسجد میں رکھکر اس پر نماز مذہب حنفی میں مکروہ تحریمی ہے۔*

*📗(فتاوی رضویہ جلد چہارم صفحہ ۵۷)*

*اور حضرت علامہ صدر الشریعہ علیہ الرحمہ تحریر فرماتے ہیں مسجد میں نماز جنازہ مطلقا مکروہ تحریمی ہے ۔*

*(بہار شریعت حصہ چہارم صفحہ ۱۵۸)*

*اور علامہ حصکفی علیہ الرحمہ تحریر فرماتے ہیں :* 

*کل مکروہ ای کر اھۃ تحریم حرام ای کالحرام فی عقوبۃ باالنار اھ*

*یعنی ہر مکروہ تحریمی استحقاق جہنم کا سبب ہونے میں حرام کے مثل ہے۔*

*📗(درالمختار مع شامی جلد پنجم صفحہ ۲۳۷)*

*اور اعلحضرت امام احمد رضا خان فاضل بریلوی علیہ الرحمۃ والرضوان تحریر فرماتے ہیں کہ صحن کسی حکم میں مسجد سے جدا نہیں۔* 

*📗(فتاوی رضویہ جلد سوم صفحہ ۵۸۲)* 

*لہذا اگر مذکورہ مسجد کا صحن شروع ہی سے یعنی قبل تمامیت مسجد مصالح و ضروریات مسجد کےلئے چھوڑا گیا ہے نماز کیلئے نہیں رکھا گیا ہے تو فنائے مسجد ہے اس میں نماز جنازہ جائز ہے*

*جیساکہ حضور صدر الشریعہ بدرالطریقہ مفتی امجد علی اعظمی علیہ الرحمہ تحریر فرماتے ہیں ۔*

*صحن مسجد کا اطلاق کبھی مسجد کے اس حصہ پر ہوتا ہے جو مسقف نہیں " جس پرچھت نہیں ) جس کو عرف فقہاء میں مسجد صیفی کہتے ہیں اور کبھی اس جگہ پر ہوتا ہے جو ملحق مسجد ضروریات ومصالح مسجد کے لئے ہے ۔ اول میں نماز جنازہ مکروہ ہے اور دوسرے میں نہیں۔* 

*📗فتاوی امجدیہ جلد سوم صفحہ ۱۲۶)* 

*📗(فتاوی فقیہ ملت جلد اول صفحہ ۲۶۹)*

*اور رہا عیدگاہ تو فتاوی فیض الر سول میں ہے کہ*   

*اور عیدگاہ میں جنازہ کی نماز پڑھنا جائز ہے جیساکہ سید العماء حضرت سید احمد طحطاوی رحمۃ اللہ تعالی علیہ تحریر فرماتے ہیں۔*

*لاتکرہ فی مسجد اعدلھا وکذا فی مدرسۃ ومصلی عید اھ* 

*📗(طحطاوی علی مراقی مطبوعہ فسطنطنیہ صفحہ ۳۲۶)*

*📗(فتاوی فیض الرسول صفحہ ۳۱۵)*

*وَاللّٰــــهُ تَعَـــالــٰی اَعـــلَمُ بِــالصَّــــوَاب*

*◆ــــــــــــــــــــــ~~~~~~ـــــــــــــــــــــــــ◆*

*✍ کتبـــــــــــــــــــــــــہ:*

*حــضـــرت عـــلامــہ و مـــولانــا محمــــــــد مــشـاہـــد رضـــا الـقـــادری الرضـــــوی الامجــــدی عـفـی عــنـہ صـاحـب قبـلـہ مـدظلــہ الـعالـی والـنـوارنــی،دارالـعـلـوم شـہـیــد اعـظــم، دولـھـاپـور پـہـاڑی پـوسـٹ انـٹـیـاتـھـوک بـازار ضـلـــع گــونــڈہ یـــوپـــی*

*✅ الـجـواب صـحـیــح ✅*

*حــضـــرت عـــلامــہ و مـــولانــا محمــــــــد اســـمــاعــیــل خــان الـقـــادری الرضـــــوی الامجــــدی عـفـی عــنـہ صـاحـب قبـلـہ مـدظلــہ الـعالـی والـنـوارنــی،دولـھـاپـور پـہـاڑی پـوسـٹ انـٹـیـاتـھـوک بـازار ضـلـــع گــونــڈہ یـــوپـــی*

*✧✧✧ـــــــــــــــــــــــــــــــــــــــــــــــــــ✧✧✧*