کیا مکروہ وقتوں میں قرآن پڑھنا گناہ ہے

*🕯 « احــکامِ شــریعت » 🕯*

••────────••⊰۩۞۩⊱••───────••

*📚کیا مکروہ وقتوں میں قرآن پڑھنا گناہ ہے؟📚* 

➖➖➖➖➖➖➖➖➖➖➖

السلام علیکم 

حضرت سوال عرض ہے کہ طلوع آفتاب کے وقت قرآن شریف پڑھنا کیسا ہے اگر کوئی شخص پڑھتا ہے تو اس پر کوئی گناہ تو نہیں جواب دے کر شکریہ کا موقع دیں۔

*المستفتی: پرویز انصاری بریلی شریف۔*

ـــــــــــــــــــــ❣♻❣ـــــــــــــــــــــ 

*وعلیکم السلام ورحمۃ اللہ وبرکاتہ* 

*الجواب بعون الملک الوھاب:*

مکروہ اوقات "طلوع وغروب و استوائے شمس وغیرہ" میں تلاوتِ قرآن کریم کرنے والا گنہگار نہیں کہ ان میں تلاوت جائزہے مگر بہتر و افضل نہیں، لہذا ان وقتوں میں تلاوت نہ کرکے ذکرو درود و تسبیحات میں مشغول رہے۔

البحرالرائق میں ہے: *"- وفي البغية: الصلاة على النبي صلى الله عليه وسلم في الأوقات التي تكره فيها الصلاة والدعاء والتسبيح أفضل من قراءة القرآن۔ ولعله؛ لأن القراءة ركن الصلاة وهي مكروهة، فالأولى ترك ما كان ركناً لها، والتعبير بالاستواء أولى من التعبير بوقت الزوال ؛ لأن وقت الزوال لا تكره فيه الصلاة إجماعاً، كذا في شرح منية المصلي"*

*(📒ج۔۔ 2 / ص488)*

در مختار میں ہے: 

*"- الصلاۃ فیھا علی النبی ﷺ أفضل من قراءة القرآن وكأنه لأنها من أرکان الصلٰوۃ، فالأولی ترك ما کان رکنا لھا.* 

*(📕در مختار کتاب الصلٰوۃ ص:٥٤/دار الکتب العلمیہ بیروت)*

 بہار شریعت میں ہے: *ان اوقات میں تلاوتِ قرآن مجید بہتر نہیں،بہتر یہ ہے کہ ذکر و درود شریف میں مشغول رہے۔*

*( 📒بہار شریعت ج۔۔ ١ ۔۔ ح ٣ ص: ۴۵۹/ناشر دعوت اسلامی موبائل ایپ)* 

البتہ ..... مذکورہ اوقات میں نماز نہ پڑھے کہ یہ ضرور ممنوع و مکروہ ہے۔ رسول اللہ صلی اللہ علیہ وسلم نے فرمایا: *-" لَا يَتَحَرّی اَحَدُکُمْ فَيُصَلِّي عِنْدَ طُلُوعِ الشَّمْسِ وَلَا عِنْدَ غُرُوبِهِ.* تم میں سے کوئی سورج طلوع ہوتے وقت اور سورج غروب ہوتے وقت نماز پڑھنے کا قصد نہ کرے۔ 

*(📚بخاري، الصحيح، 1: 212، رقم: 560، دار ابن کثير اليمامة بيروت)*

*واللہ اعلم باالصواب*

ـــــــــــــــــــــ❣♻❣ـــــــــــــــــــــ

*✍🏻کتبــــــــــــــــــــــــــه:* 

خاک پائے علماء

*ابو فرحان مشتاق احمد رضوی جامعہ رضویہ فیض القرآن سلیم پور نزد کلیرشریف اتراکھنڈ۔*

*رابطہ* 9758982572

*✅ الجواب صحیح والمجیب نجیح : حضرت علامہ مولانا مفتی محمد جابر القادری رضوی صاحب قبلہ جمشید پور۔*

*✅الجواب صحیح والمجیب نجیح : حضرت مفتی شان محمد مصباحی القادری صاحب قبلہ فرخ آباد یوپی۔* 

https://t.me/Faizan_E_DarulUloom_Amjadia_Ngp

ـــــــــــــــــــــ❣♻❣ــــــــــــــــــــــ