اعلیٰحضرت کو آقائے نعت، دریائے رحمت، کنزالکرامت کہنا کیسا ہے؟

*🕯 « احــکامِ شــریعت » 🕯*

••────────••⊰۩۞۩⊱••───────••

*📚اعلیٰحضرت کو آقائے نعت، دریائے رحمت، کنزالکرامت کہنا کیسا ہے؟📚* 

➖➖➖➖➖➖➖➖➖➖➖

السلام علیکم و رحمۃ اللہ و برکاتہ

کیا فرماتے ہیں علمائے دین و مفتیان شرع متین اس مسئلہ کے بارے میں کہ امام احمد رضا کے بارے میں جیسے آقائے نعمت دریائے رحمت کنز الکرامت کہنا کیسا ہے جواب عنایت فرمائیں بہت مہربانی ہوگی۔

*المستفتی: محمد مسعود عالم رحمانی مقام بھیلوا خطیب وامام مدینہ مسجد کھجوریا ضلع بانکا بہار، الہند۔*

ـــــــــــــــــــــ❣♻❣ــــــــــــــــــــــ

*وَعَلَيْكُم السَّلَام وَرَحْمَةُ اللّٰهِ وَبَرَكاتُهُ‎*

*الجواب :* 

سرکار اعلیٰ حضرت امام احمد رضا خان قدس سرہ العزیز کی ذات بابرکات ان حسین و جمیل جماعت علماء و مشائخین، اولیاء کاملین، محدثین، مفسرین، مفکرین، مجتہدین، مدبرین، میں شمار کئے جاتے ہیں جہاں اگر القاب کے سمندر بھی بہا دیئے جائیں تو اہل سنت والجماعت اس کا حق ادا نہیں کر سکتی،لہٰذا پہلے آپ اپنے الفاظ کے معنی ملاحظہ فرمائیں،

(۱) *آقائے نعت= خداوند نعمت، سرکار، ان داتا،*

*( فیروز اللغات ص (۲۴) مطبوعہ فیروز سنن لاہور کراچی )*

(۲) *دریائے رحمت= خدائے تعالیٰ کی مہربانی*

*( 📓المرجع السابق ص (۶۶۱) مطبوعہ فیروز سنن لاہور کراچی )*

(۳) *کنز الکرامت= کنز بمعنی، خزانہ، گنجینہ، وغیرہ، یعنی کرامت کا خزانہ،*

*( 📒المرجع السابق ص (۱۰۹۳) مطبوعہ فیروز سنن لاہور کراچی )*

لفظاً و معنا سرکار اعلیٰ حضرت مذکورہ القابات کے متحمل ہیں، لہٰذا مذکورہ بالا القابات سے پکارنا جائز قرار پایا، اب شرعی دلیل بھی ملاحظہ کریں،

 قال ﷲ تعالٰی:

*"، وَ لَا تَنَابَزُوْا بِالْاَلْقَابِؕ "،*

اور ایک دوسرے کے برے نام نہ رکھو، 

*( 📘القرآن الکریم پارہ (۲۶) سورہ حجرات آیت (۱۱) ترجمہ کنزالایمان )*

اس آیت بابرکات کی تفسیر میں مفسرین نے مختلف اقوال نقل پیش فرمائے ہیں ان میں سے ایک یہ بھی ہے کہ: *وہ القاب مراد ہیں جس سے مسلمان کی برائی نکلتی ہو اور اس کو ناگوار ہو،( لیکن تعریف کے القاب جو سچے ہوں ممنوع نہیں جیسے کہ حضرت ابوبکر رضی ﷲ تعالٰی عنہ کا لقب *(عتیق)* اور حضرت عمر رضی ﷲ تعالٰی عنہ کا *(فاروق)* اور حضرت عثمانِ غنی رضی ﷲ تعالٰی عنہ کا *(ذوالنورین)* اور حضرت علی رضی ﷲ تعالٰی عنہ کا *(ابوتراب)* اور حضرت خالد بن ولید رضی ﷲ تعالٰی عنہ کا *سیف اللہ* تھا)

*(📚تفسیر خازن) بحوالہ تفسیر صراط الجنان پارہ (۲۶) سورہ حجرات آیت (۱۱) مطبوعہ دعوت اسلامی )*

*🔸واللہ سبحانہ وتعالیٰ اعلم وعلمه جل مجدة أتم وأحكم 🔸*

ـــــــــــــــــــــ❣️♻️❣️ــــــــــــــــــــــ

*✍🏻کتبــــــــــــــــــــــــــــــــه:*

*حضرت مولانا محمد راشد مکی صاحب قبلہ مد ظلہ العالی والنورانی گرام ملک پور کٹیہار بہار۔*

*✅ الجواب صحیح والمجیب نجیح : حضرت علامہ مولانا مفتی محمد جابر القادری رضوی صاحب قبلہ جمشید پور۔*

https://t.me/Faizan_E_DarulUloom_Amjadia_Ngp

ـــــــــــــــــــــ❣♻❣ــــــــــــــــــــــ