محبوب کی محفل کو محبوب سجاتے ہیں
عبدالستار نیازی
محبوب کی محفل کو محبوب سجاتے ہیں
آتے ہیں وہی جن کو سرکار بلاتے ہیں
جن کا بھری دنیا میں کوئی بھی نہیں والی
ان کو بھی میرے آقا سینے سے لگاتے ہیں
وہ لوگ خدا شاہد قسمت کے سکندر ہیں
جو سرور عالم کا میلاد مناتے ہیں
جو شاہ مدینہ کو لج پال سمجھتے ہیں
دامان طلب بھر کر محفل سے وہ جاتے ہیں
اس آس پہ جیتا ہوں کہہ دے یہ کوئی آکر
چل تجھ کو مدینے میں سرکار بلاتے ہیں
0 تبصرے
اپنا کمینٹ یہاں لکھیں