نماز تہجد کتنی رکعتیں ہیں کچھ لوگ آٹھ رکعت کہتے ہیں اور کچھ لوگ بارہ رکعت کہتے ہیں. حقیقت کیاہے اورکیا تہجد کیلےء سونا شرط ہے

السلام علیکم. کیا فرماتے ہیں مفتیان شرع متین. کہ نماز تہجد کتنی رکعتیں ہیں کچھ لوگ آٹھ رکعت کہتے ہیں اور کچھ لوگ بارہ رکعت کہتے ہیں. حقیقت کیاہے اورکیا تہجد کیلےء سونا شرط ہے .سائل احمد رضا بنارس

/////////////////////////////////////////////////////////

💐وعليكم السلام ورمۃاللہ وبرکاتہ💐

🌹بسم اللہ الرحمن الرحیم🌹

✍️الجواب۔ بعون الملک الوھاب۔

صورت مسؤلہ میں حکم یہ ہے کہ صلاۃاللیل کی ایک قسم تہجدہے۔ اور تہجد کی نماز نفل ہے۔

تہجد (نفل)کم سے کم دورکعتیں ہیں اور سرکار مدینہ علیہ الصلاۃ والسلام سے آٹھ رکعت تک ثابت ہے اور مشائخ عظام رضوان اللہ تعالی علیہم اجمعین سے بارہ رکعت تک۔

"انہ فی الاصطلاح صلوۃ التطوع فی اللیل بعدالنوم" اصطلاح شرع میں رات کو سونے کے بعد نوافل کی ادائیگی کو تہجد کہتے ہیں ۔

🌹اعلحضرت امام احمدرضا خان فاضل بریلوی رضی اللہ عنہ اسی نوعیت کے ایک سوال کے جواب میں تحریر فرماتے ہیں" عشاکے فرض پڑھ کر آدمی سورہے پھر اس وقت سے صبح صادق کے قریب تک جس وقت آنکھ کھلے دورکعت نفل صبح طلوع ہونے سے پہلے پڑھ لے تہجد ہوگیا اقل درجہ تہجد کا یہ ہے اور سنت سے آٹھ رکعت مروی ہے اور مشائخ کرام سے بارہ اور حضرت سید الطائفہ جنید بغدادی رضی اللہ عنہ سے دوہی رکعت پڑھتے اور ان میں قرآن عظیم ختم کرتے"

📚"فتاوی رضویہ"جلدسوم"صفحہ ۴۷۱

//////////////////////////////////////////////////////////

                            🎾،،،،،،،،،،،،،،،،،،،،،،🎾

    🕋ھذاماظھرلی واللہ اعلم بالصواب🕋

                         🔷""'''"""""""""""""""""""🔷

       (((((((✍️شرف قلم )))))))))

العبدالمعتصم محمدامتیازعالم رضوی مجاہدی عفی عنہ مقیم حال شہرنشاط بھاگلپور بہار(الہند)

۲۵/رمضان المبارک ۱۴۴۱ھ بمطابق ۱۹/مئی ۲۰۲۰ء بروز بدھ۔

🎾🎾🎾🎾🎾🎾🎾🎾🎾🎾🎾🎾