معتکف مائک سے اذان اور سلام پڑھ سکتا ہے

السلام علیکم. کیا فرماتے ہیں مفتیان شرع متین معتکف مائک سے اذان اور سلام پڑھ سکتا ہے کہ نہی. سائل احمد رضا بنارس

////////////////////////////////////////////////////////////

🍀وعليكم السلام ورحمۃاللہ وبرکاتہ🍀

                             🥀﷽🥀

✍️الجواب۔ بعون الملک الوھاب۔

صورت مسئولہ میں حکم شرع یہ ہے کہ معتکف حالت اعتکاف میں اذان دینے کے لئے مسجد سے باہر جا سکتاہے ۔

🌹حالت اعتکاف میں مسجد سے نکلنے کی دو صورتیں ہیں ۔طبعی وشرعی۔ 

(۱)(حاجت طبعی)یعنی وہ حاجت جس کا تقاضہ طبیعت کی طرف سے ہو اور وہ حاجت مسجد میں پوری نہ ہوسکتی ہو جسیے پاخانہ یا پیشاب اور وضوکرنے کے لئے جانا احتلام کی صورت میں فرض غسل کے لئے جانا وغیرہ۔

👈(نوٹ)اگروضو وغسل کے لئے مسجد میں جگہ بنی ہوئی ہو تو پھر باہر جانے کی اجازت نہیں۔

(۲)(حاجت شرعی)یعنی وہ حاجت جس کا تقاضہ شریعت کی جانب سے ہو جیسے نماز جمعہ ادا کرنےکے لئے جانا یا اذان کہنے کے لئے جانا وغیرہ۔ 

📚"فتاوی شامی "میں ہے👇

" (الخروج الالحاجۃ الانسان)طبعیۃ کبول وغائط وغسل لواحتلم ولایمکنہ الاغتسال فی المسجد "کذافی النھر'(او)شرعیۃ کعید واذان لومؤذنا وباب المنارۃ خارج المسجد"

📚جلدسوم'کتاب الصوم'باب الاعتکاف' صفحہ نمبر ۵۰۱/۵۰۲

📚بہارشریعت'جلداول'حصہ پنجم'صفحہ نمبر ۱۰۲۳/۱۰۲۴ 

////////////////////////////////////////////////////////////

🕋ھذاماظھرلی واللہ اعلم بالصواب🕋

✍️کتبہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔👇

فقیر محمدامتیازعالم رضوی مجاہدی عفی عنہ ۲۰/ویں شب رمضان المبارک ۱۴۴۱ھ بمطابق ۱۴/مئی ۲۰۲۰ء