Hazrat Sayyed Shaah Jamaal-ud-deen Qaadri Pathri rahmatullāhi alaihi :
Aap ki wilaadat Pathri me hui.
Aap ke waalid Hazrat Sayyed Noor-ud-deen Husain Qaadri rahmatullāhi alaihi hain.
Aap Hasani saadaat hain.
Aap Hazrat Ghauṡ-ul-aazam Shaikh Sayyed Mohiy-ud-deen Abdul Qaadir Jilani radiy-Allāhu ta’ala anhu ki nasl se hain.
Aap ke waalid Hirmiz se Hindustan tashreef laaye aur Deccan me Pathri me sukoonat pazeer hue.
****************
Aap ne apne waalid e mohtaram ta’aleem wa tarbiyat haasil ki.
****************
Ek martaba Gujarat ka Sultaan Bahaadur Deccan aaya to Qasba Pathri me Aap ki mulaaqaat ke liye aaya. Raaste me us ne kaha “Agar Hazrat meri ta’azeem na karenge to main unhe zaleel karunga.” Jab woh aap ki khidmat me pahuncha to aap ne tawajjoh na di. Baadsaah adab ke saath qadambos hua. Jab woh khaanqaah se baahar aaya to kisi us ke saathiyo ne puchha “Tum to hazrat ko zaleel karne waale the. Phir apna iraada badal kyun diya?” Us ne kaha “Jab main hazrat ko zaleel karne ke iraade se daakhil hua to Hazrat ke daayen aur baayen 2 sher nazar aaye jo mujh par hamla karne waale the. Maine ghabharakar apna iraada badal diya aur hazrat ka qadambos hua.”
Us ke baad baadshahah ne aap ko Gujarat bulakar khaanqaah aur masjid ta’ameer ki aur wazifa muqarrar kiya.
Aakhri umr tak Aap Talba ko dars o tadrees karte rahe.
Aap ke naam par se yeh ilaaqe ‘Jamalpur’ kehlaata hai.
****************
Aap (apne waalid) Hazrat Sayyed Noor-ud-deen Husain Qaadri rahmatullāhi alaihi ke mureed aur khalifa hain.
Aap ke khalifa (aap ke saahabzaade) Hazrat Sayyed Yateemullāh rahmatullāhi alaihi hain.
****************
Aap ka wisaal 22 Sha’abaan 971 Hijri (5 April 1564 A.D.) ko hua.
Aap ka mazaar Ahmedabad (Gujarat) me ke Raikhad ilaaqe me hai.
****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Sayyed Shaah Jamaal-ud-deen Qaadri Pathri rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa'iz muraado ko puri farmae.
Aameen.
0 تبصرے
اپنا کمینٹ یہاں لکھیں