تکبیر یعنی اقامت فرض ہے یا واجب یا سنت ہے؟

*🕯 « احــکامِ شــریعت » 🕯*

-----------------------------------------------------------

*📚تکبیر یعنی اقامت فرض ہے یا واجب یا سنت ہے؟📚* 

➖➖➖➖➖➖➖➖➖➖➖

السلام علیکم ورحمۃاللہ وبرکاتہ نماز کے وقت جو تکبیر پڑھتے ہیں وہ فرض یا واجب یا سنت ہے؟ 

جواب عطاء فرمائیں؟

*سائل: محمد حسرت*

ـــــــــــــــــــــ❣♻❣ــــــــــــــــــــــ

*وعلیکم السلام ورحمۃ اللہ وبرکاتہ*

*الجواب:* تکبیر یعنی اقامت مثل اذان سنت مؤکدہ ہے مگر اسکی سنیت بہ نسبت اذان کے زیادہ مؤکد ہے ۔

در مختار میں ہے کہ

*" (والاقامۃ کالأذان) " اھ*

اور ردالمحتار میں ہے کہ

*" صرح ظھیر الدین فی الحواشی نقلا عن المبسوط بأنھا آکد من الأذان " اھ*

*( 📘ج:2/ص:55/ کتاب الصلاۃ/ باب الأذان / دار عالم الکتب)*

اور نور الایضاح مع مراقی الفلاح میں ہے کہ

*" والاقامۃ سنۃ مؤکدۃ " اھ*

*(📒 ص:118/ باب الأذان/ مجلس المدینۃ العلمیۃ دعوت اسلامی)*

اور فتاوی ہندیہ میں ہے کہ

*" والاقامۃ مثل الأذان فی کونہ سنۃ للفرائض فقط کذا فی البحر الرائق " اھ*

*( 📘ج:1/ص:53/ الفصل الثانی فی الأذان / بیروت)*

اور ہدایہ شریف میں ہے کہ

*" والاقامۃ مثل الأذان " اھ* 

*(📕 ج:1/ص:274/ باب الأذان/ ادارۃ القرآن والعلوم الاسلامیۃ)*

اور بہار شریعت میں ہے کہ

" اقامت مثل اذان ہے اقامت کی سنیت اذان کی بہ نسبت زیادہ مؤکد ہے " اھ 

*(📒 ح:3/ص:470/ اذان کا بیان/مجلس المدینۃ العلمیۃ دعوت اسلامی )*

اور اگر تکبیر سے سائل کی مراد تکبیر تحریمہ ہے تو وہ شرط ہے ۔

فتاوی ہندیہ میں ہے کہ

*" (الفصل الأول فی فرائض الصلاۃ) و ھی ست ( منھا التحریمۃ) و ھی شرط عندنا " اھ* 

*(📘 ج:1/ ص:68)* 

*واللہ تعالیٰ اعلم*

ـــــــــــــــــــــ❣♻❣ــــــــــــــــــــــ

*✍🏻کتبــــــــــــــــــــــــــــــه:*

*حضرت مفتی محمد اسرار احمد نوری بریلوی صاحب قبلہ مدظلہ العالی والنورانی۔*

*✅الجواب صحیح والمجیب نجیح : حضرت مفتی شان محمد مصباحی القادری صاحب قبلہ فرخ آباد یوپی۔* 

*✅ الجواب صحیح والمجیب نجیح : حضرت علامہ مولانا مفتی محمد جابر القادری رضوی صاحب قبلہ جمشید پور ۔*

https://t.me/Faizan_E_DarulUloom_Amjadia_Ngp

ــــــــــــــــــــــ❣♻❣ــــــــــــــــــــــ