غیر مسلم سے چندہ مانگ کر جلسہ کرنا کیسا ہے؟

*🕯 « احــکامِ شــریعت » 🕯*

••────────••⊰۩۞۩⊱••───────••

*📚غیر مسلم سے چندہ مانگ کر جلسہ کرنا کیسا ہے؟📚* 

➖➖➖➖➖➖➖➖➖➖➖

السلام علیکم ورحمۃ اللہ وبرکاتہ

کیافرماتے ہیں علمائے کرام و مفتیان عظام مسئلہ ذیل میں کہ زید جو غوث پاک رضی اللہ تعالیٰ عنہ کے نام سے جلسہ کرتا ہے اور چندہ بھی کرتا ہے لیکن اپنے چندے کے ساتھ ساتھ غیر قوم سے بھی چندہ مانگتا ہے تو کیا غیر قوم سے چندہ لے کر کانفرنس میں شامل کیا جا سکتا ہے کہ نہیں عند الشرع کیا حکم ہے حوالہ کے ساتھ جواب عنایت فرمائیں مہربانی ہوگی۔

*المستفتی: احمد رضا نوری مدھوبنی بہار*

ـــــــــــــــــــــ❣♻❣ــــــــــــــــــــــ

*وَعَلَيْكُم السَّلَام وَرَحْمَةُ اللّٰهِ وَبَرَكاتُهُ‎*

*الجواب:* کفار و مشرکین سے دینی امور میں استعانت کی ممانعت سختی کے ساتھ وارد ہے جس کا حکم قرآن کریم میں موجود ہے اور حدیث شریف میں بھی منع کیا گیا ہے، لہٰذا ان لوگوں سے جو غیر مسلم ہیں جلسہ و جلوس وغیرہم دینی مجالس کیلئے امداد بشکل چندہ ہرگز ہرگز نہ لیں، جتنی وسعت خود میں ہو اتنے میں ہی کریں ناموری و دکھاوے کی ضرورت اللہ تعالیٰ اور اس کے رسول صلی اللہ علیہ وسلم کو بالکل بھی نہیں،

قال اللہ تعالیٰ: 

*" لَا یَتَّخِذِ الْمُؤْمِنُوْنَ الْكٰفِرِیْنَ اَوْلِیَآءَ مِنْ دُوْنِ الْمُؤْمِنِیْنَۚ "*

القران الکریم پارہ (۳) سورہ آل عمران آیت (۲۸) 

مذکورہ آیت کے تحت مفسر اعظم الشاہ امام احمد رضا خان قدس سرہ العزیز تحریر فرماتے ہیں:

تفسیر ارشاد العقل و تفسیر فتوحات الٰہیہ میں اسی آیۃ کریمہ کی تفسیر میں ہے: *" نھواعن الاستعانۃ بھم فی الامور الدینیۃ "* اس آیہ کریمہ میں مسلمانوں کو اس سے منع فرمایا کہ کافروں سے کسی دینی کام میں مدد لیں،

*( 📘فتاویٰ رضویہ شریف جدید جلد (۱۴) ص (۱۷۴) مطبوعہ رضا فاؤنڈیشن لاہور )*

حدیث کی کثیر کتب میں محدثین کرام نے اس حدیث کو نقل فرمایا ہے،

*" وقد قال رسول ﷲ صلی ﷲ تعالٰی علیہ وسلم انا لانستعین بمشرک "*

تحقیق رسول ﷲ صلی ﷲ تعالٰی علیہ وسلم نے فرمایا کہ ہم مشرك سے استعانت نہیں کرتے،

*( 📚مصنف ابن ابی شیبہ کتاب الجہاد باب فی الاستعانۃ بالمشرکین جلد (۱۲) ص (۳۹۵) ادارۃ القرآن کراچی )*

*🔸واللہ سبحانہ وتعالیٰ اعلم وعلمه جل مجدة أتم وأحكم 🔸*

ـــــــــــــــــــــ❣♻❣ــــــــــــــــــــــ

*✍🏻کتبــــــــــــــــــــــــــــــــه:*

*حضرت مولانا محمد راشد مکی صاحب قبلہ مد ظلہ العالی والنورانی گرام ملک پور کٹیہار بہار*

*✅الجواب صحیح : مصنف "فتاوی اکرمی" حضرت مفتی محمد شہروز عالم رضوی اکرمی صاحب قبلہ دام ظلہ العالی کلکتہ۔*

*✅الجواب صحیح والمجیب نجیح : حضرت مفتی شان محمد مصباحی القادری صاحب قبلہ فرخ آباد یوپی۔*

https://t.me/Faizan_E_DarulUloom_Amjadia_Ngp

ـــــــــــــــــــــ❣♻❣ــــــــــــــــــــــ