ایک مشت سے زائد ریش داڑھی کو کاٹنے کا کیا حکم ہے

*🕯 « احــکامِ شــریعت » 🕯*

••────────••⊰۩۞۩⊱••───────••

*📚ایک مشت سے زائد ریش داڑھی کو کاٹنے کا کیا حکم ہے؟📚* 

➖➖➖➖➖➖➖➖➖➖➖

السلام علیکم ورحمۃاللہ و برکاتہ

کیافرماتےہیں علماء کرام و مفتیان عظام اس مسئلہ میں کہ زید کی داڑھی مبارک کے کچھ بال ایک مشت سے لمبے ہیں اور بقیہ داڑھی مشت سے کم ہے

  دریافت طلب امر یہ ہیکہ کی زید داڑھی کے لمبے بالوں کو کاٹ کر مشت کے برابر کر سکتا ہے یا نہیں؟ مدلل و مفصل جواب عنایت فرمائیں

*المستفتی: جابر رضا رامپوری*

ـــــــــــــــــــــ❣♻❣ــــــــــــــــــــــ

*وَعَلَيْكُم السَّلَام وَرَحْمَةُ اللّٰهِ وَبَرَكاتُهُ‎*

*الجواب :* مشت بھر سے زائد ریش داڑھی کو کتر دینا سنت ہے لہٰذا اپنی مٹھی میں داڑھی کے بالوں کو پکڑے جو زائد ہو اسے کاٹ ڈالے،

ہندیہ میں محیط امام سرخسی سے ہے:

*" القص سنۃ فیہا وھو ان یقبض الی آخر مامر "*

داڑھی کے زائد حصہ کو کتر دینا سنت ہے اور وہ یہ ہے کہ بقدر ایك مشت داڑھی چھوڑ کر باقی زائد کو کتر ڈالے،

*( 📘فتاوی ہندیہ کتاب الحظروالاباحۃ الباب التاسع عشر جلد (۵) ص (۳۵۸) نورانی کتب خانہ پشاور )*

اختیار شرح مختار سے منقول ہے۔

*" التقصیر فیھا سنۃ وھو ان یقبض "* الخ

ایك مٹھی بھر داڑھی سے زائد بالوں کا کتر دینا سنت ہے اور اس کا طریقہ یہ ہے کہ داڑھی کو مٹھی بھر میں پکڑ کر زائد حصہ کتر ڈالا جائے الخ

*( 📕جلد (۴) ص (۱۶۴) دارالمعرفۃ بیروت بحوالہ فتاویٰ رضویہ شریف جدید جلد (۲۲) ص (۵۹۲) مطبوعہ رضا فاؤنڈیشن لاہور )*

ردالمحتار میں ہے :

*ھو ان یقبض الرجل لحیتہ فمازاد منہا علی قبضۃ قطعہ کذا ذکر محمد فی کتاب الآثار عن الامام قال وبہ ناخذ محیط* اھ 

مرد اپنی داڑھی کو اپنی مٹھی میں لے کر زائد حصہ کو کاٹ دے، امام محمد رحمہ ﷲ تعالٰی علیہ نے کتاب الآثار میں امام صاحب کے حوالہ سے یہی ذکر فرمایا ہے اور مزید فرمایا ہم اسی مؤقف کے قائل ہیں محیط،

*( 📒ردالمحتار کتاب الحظروالاباحۃ فصل فی البیع جلد (۵) ص (۲۶۱) داراحیاء التراث العربی بیروت )*

*🔸واللہ سبحانہ وتعالیٰ اعلم وعلمه جل مجدة أتم وأحكم 🔸*

ـــــــــــــــــــــ❣♻❣ــــــــــــــــــــــ

*✍🏻کتبــــــــــــــــــــــــــــــــه:*

*حضرت مولانا محمد راشد مکی صاحب قبلہ مد ظلہ العالی والنورانی گرام ملک پور کٹیہار بہار*

*✅الجواب صحیح : حضرت مولانا مفتی محمد اسامہ قادری صاحب قبلہ پاکستان۔*

https://t.me/Faizan_E_DarulUloom_Amjadia_Ngp

ـــــــــــــــــــــ❣♻❣ــــــــــــــــــــــ