کبھی کبھار پنج وقتہ نماز پڑھانے والا کیا عید کے نماز کی امامت کرںسکتا ہے؟

*🕯 « احــکامِ شــریعت » 🕯*

---------------------------------------------

*📚کبھی کبھار پنج وقتہ نماز پڑھانے والا کیا عید کے نماز کی امامت کرںسکتا ہے؟📚* 

*◆ـــــــــــــــــــــ~~~~~~~ـــــــــــــــــــــــــ◆*

 ☆ *اَلسَّــلَامْ عَلَیْڪُمْ وَرَحْمَةُ اللہِ وَبَرَڪَاتُہْ*☆

 *الـســــوال:*

*مسٸلہ ذیل کے بارے میں علماۓکرام کا کیا حکم ہے زید ایک طالب علم ہے جو کبھی کبھی پنج وقتہ نمازپڑھادیتا ہے تو کیا زید عید کی نماز پڑھا سکتا ہے یا نہیں مفصل ومدلل جواب عنایت کریں مہربانی ہوگی۔*

*الســائل 👈 محمد ابوالکلام بنارس*

*◆ــــــــــــــــــــــ~~~~~~~ـــــــــــــــــــــــــ◆*

*وَعَلَیْڪُمْ اَلسَّــلَامْ وَرَحْمَةُ اللہِ وَبَرَڪَاتُہ*

*📝الجـــــوابــــــــــــ:بعون الملک الوھاب اللھم ہدایت الحق بالصواب*

*حضوراعلی حضرت علیہ الرحمۃ والرضوان تحریرفرماتے ہیں کہ*

*"جمعہ وعیدین کی امامت پنجگانہ کی امامت سے بہت خاص ہے امامت پنجگانہ میں صرف اتنا ضرور ہےکہ امام کی طہارت و نماز صحیح ہو قرآن عظیم صحیح پڑھتا ہو بدمذہب نہ ہو فاسق معلن نہ ہو پھر جو کوئی پڑھا دے گا نماز بلا خلل ہوجائے گی بخلاف نماز جمعہ و عیدین کہ ان کے لئے شرط ہے کہ امام خود سلطان اسلام ہو یا اس کا ماذون اور جہاں یہ نہ ہوں تو بضرورت جسےعام مسلمانوں نے جمعہ وعیدین کا امام مقرر کیا ہو کمافی الدرمختاروغیرہ* *دوسراشخص اگرچہ کیساہی عالم و صالح ہو ان نمازوں کی امامت نہیں کر سکتا اگر کرے گا نماز نہ ہوگی۔"*

*📗(فتاویٰ رضویہ قدیم جلد سوم صفحہ ٨٠١)*

*جہاں اسلامی سلطنت نہ ہو وہاں جوسب سے بڑا فقیہ سنی صحیح العقیدہ ہو، احکام شرعیہ جاری کرنےمیں سلطان اسلام کے قائم مقام ہے لہذا وہی جمعہ و عیدین قائم کرے بغیر اس کے اجازت کے نہیں ہو سکتا اور یہ بھی نہ ہو تو عام لوگ جس کو امام بنائیں، عالم کے ہوتے ہوئے عوام بطورخود کسی کو امام نہیں بنا سکتے نہ یہ ہو سکتا ہے کہ دو چار شخص کسی کو امام مقرر کرلیں ایسا جمعہ کہیں سے ثابت نہیں۔*

*📗بہار شریعت حصہ چہارم)*

*خلاصہ عیدین کےلئے وہی شرائط ہیں جو جمعہ کے لئے ہیں تو اگر زید ماذون مقرر امام ہے تو عید کی امامت کر سکتا ہے ورنہ نہیں، اگر کرے گا تو نماز ہوگی ہی نہیں۔*

*وَاللّٰــــهُ تَعَـــالــٰی اَعـــلَمُ بِــالصَّــــوَاب*

*◆ــــــــــــــــــــــ~~~~~~~ـــــــــــــــــــــــــ◆*

*✍ کتبـــــــــــــــــــــــــہ:*

*حــضـــرت عـــلامــہ و مـــولانــا محمــــــــد ابـــراہــیــم خــان الـقـــادری الرضـــــوی الامجــــدی عـفـی عــنـہ صـاحـب قبـلـہ مـدظلــہ الـعالـی والـنـوارنــی، خـطـیــب و امـام غــوثــیـہ جـامـع مـســجـد شــانـتـی نــگــر بـھـیــونــڈی مـہـاراشــٹـــر الـھـنـــد*

*✅ الـجـواب صـحـیــح ✅*

*حــضـــرت عـــلامــہ و مـــولانــا محمــــــــد اســـمــاعــیــل خــان الـقـــادری الرضـــــوی الامجــــدی عـفـی عــنـہ صـاحـب قبـلـہ مـدظلــہ الـعالـی والـنـوارنــی،دولـھـاپـور پـہـاڑی پـوسـٹ انـٹـیـاتـھـوک بـازار ضـلـــع گــونــڈہ یـــوپـــی*

*✧✧✧ـــــــــــــــــــــــــــــــــــــــــــــــــــ✧✧✧*