Hazrat Imaam Abu Abdullāh, Muhammad bin Idrees al-Shaafi'i rahmatullāhi alaihi :
Laqab :
‾‾‾‾‾‾‾‾
Nasir-ul-Sunnat (The Defender of Sunnah).
**************
Aap ki wilaadat 150 Hijri (767 A.D.) me Gaza (Palestine) me hui.
Aap ke waalid ka naam Idrees bin Abbaas aur waalida ka naam Faatima binte Abdullāh al-Mahez bin Hasan al-Musanna hai.
Aap Quraish ke Banu Muttalib khaandaan se ta’alluq rakhte hain.
Aap ke naana Hasani saadaat hain.
Aap ki wilaadat ke pehle aap ke waalid ka Shaam me intiqaal hua.
Aap jab 2 saal ke the tab aap ki waalida aap ko lekar Makka aa gai.
**************
Aap 7 saal ki umr me hi Haafiz e Qur’an hue.
Aap ne Mufti e Makka Imaam Muslim ibn Khaalid al-Zanji se ta’aleem haasil ki.
Phir Madeena me Imaam Maalik bin Anas se ta’aleem haasil ki.
10 saal ki umr me Aap ne ‘Muwatta e Imaam Maalik’ ko hifz kiya.
Baghdad me Hazrat Muhammad ibn Hasan al-Shaybani se ta’aleem haasil ki.
15 saal ki umr me aap ne Fatawa dena shuru kiya.
Is ke ilaawa Aap ne Sufyaan ibn Uyaynah al-Hilaali, Daawūd ibn Abdur Rahmān al-Attaar, Muhammad ibn Ali ibn Shaafi, Abdur Rahmān ibn Abu Bakr al-Maaliki, Saeed ibn Saalim, Khwaja Fuzail ibn Ayaaz, Ibrāheem bin Yahyā al-Madani, Hammaad bin Usaama al-Haashimi al-Kufi, Wakee bin Jarraah bin Maleeh al-Kufi, Abdul Wahaab bin Abdul Majeed al-Basri, Mutarrif ibn Maazin, Hishaam ibn Yousuf se bhi ta’aleem haasil ki.
Aap Qur’an, Hadeeṡ, Fiq'h, Tafseer, Falsafa, Ilm e Nahaw, Tasawwuf aur dusre uloom ke maahir hue.
**************
Aap Hazrat Shayban ar-Rai rahmatullāhi alaihi ke mureed hain.
**************
Aap namaaz me roz ek Qur’an majeed mukaammal karte the aur Maah e Ramazaan me 2 baar Qur’an majeed mukammal karte the.
**************
Aap Aa'imma e Araba me se hain.
Aap ka mazhab e fiqh ‘Shaafi’ ke naam se mash'hoor hai.
**************
Aap dusri sadi ke mujaddid e Islaam hain.
Jab log Hadees me apni taraf se baaten milaane lage tab aap ne sahih ahadees jama karna shuru kiya aur logo ko us ki taalim dena shuru kiya. Log apne mulk me suni hui hadees sahih hai ya nahi ye jaanne ke liye aap ke paas aate the.
Jab logo ne Shariat me apni taraf se baaten milana shuru kiya aur ahkaame shariat batane lage tab aap ne Qur’an, Hadees aur Ijma e Ashaaba wa ulema me se apne Qiyaas ke zariye logo ko ahkaame shariat ke masa’il ke hal batana shuru kiya.
Aur is tarah logo ko jo buri bid’at aur rasmen Islaam me daakhil ho gai thi un se bachne ki aur Sunnato ko apnane ki taaleem di.
**************
Tasannif :
‾‾‾‾‾‾‾‾‾‾‾‾
Aap ki likhi hui mash'hoor kitaaben :
(1) Kitaab-ul-Risaala Fi-Usool al-Fiqh
(2) Kitaab-ul-Umm (Fiqh)
(3) Kitaab-ul-Sunan
(4) Masnad-ash-Shafi'i (Hadeeṡ)
(5) Ikhtilaaf-ul-Hadees
(6) Ibtaal-ul-Istihsaan
(7) Ahkaam-ul-Qur’an
(8) Biyaaz-ul-Farz
(9) Fazaa'il e Quraish
(10) Deewaan.
**************
Aqwaal :
‾‾‾‾‾‾‾‾
(1) Jo (ilm ke) samundar me gota lagaata hai wo hi us me se moti paata hai.
(2) Insaan ke Ilm ka paimaana us ne kitna ilm haasil kiya hai ye nahi balke us ilm par kitna amal karta hai ye hai.
(3) Maal o Daulat jama karne me dusro ke saath muqaabala mat karo. Balke hamesha Ibaadat wa neki me un se muqabala karo. Kyun ki Maal sirf dunya me kaam aata hai, magar neki qabr me bhi kaam aati hai.
(4) Kuchh insaan dunya se inteqaal kar jaate hain hai magar un ke achhe kirdaar se hamesha zinda se rehte hain aur kuchh log dunya me ke ba-wajood un ke bure kirdaar ki wajah se murda hote hain.
(5) Waqt talwaar ki tarah hai, Agar tum ne use sahi tarah istemaal na kiya to woh tumhe kaat dega.
(6) Apni zarooraten kam karoge to raahat haasil hogi.
**************
Aap ne apne bhaai ko naseehat karte hue irshaad farmaaya,
“Aye Bhai! Yeh dunya lagzish ki jagah aur ruswa karne waala ghar hai.
Is ki aabaadi Wiraane ki taraf aur is me rehne waale Qabro ki taraf jaa rahe hain.
Is ki thodi cheez bhi judaa hone waali hai. Is ki maaldaari Gharibi ki taraf jaa rahi hai. Is ki kaṡrat me Killat hai aur Is ki muflisi me Maaldaari hain.
ALLĀH ki taraf tawajjoh kar aur us ki di hui rozi par raazi ho jaa.
Jannat ko dunya me girwi na rakho Kyun ki zindagi dhalta hua saaya aur girti Hui deewaar hai.
Is liye amal zyada karo aur ummeede kam kar do.”
(Mukaashfatul Quloob, Safa -207)
**************
Aap ke mash'hoor shaagird :
Imaam Ahmad bin Hambal, Younus ibn Abdul A’ala, Sulaimān bin Daawūd al-Hasyimi, Abu Bakr Abdullāh, Zubair bin Humaidi, Ibrāheem bin al-Munzir al-Hizaami.
**************
Aap Saadaat e kiraam se bahot mohabbat aur adab karte the aur saadaat kam umr ke ho to bhi un ki ta’azeem karte the.
Aap farmaate hain
‘Huzoor Rasool-Allāh sallallāhu alaihi wa sallam ki Aal mere liye zariya e nijaat hai
aur ALLĀH ta’ala ki baargaah me mere liye waseela hai.’
**************
Khalifa Hāroon al-Rasheed ke zamaane me Room ka baadshaah suleh-naame ke tahet har saal lagaan ada karta tha. Ek baar us ne apne Paadariyo ke giroh ke saath lagaan bheja aur saath me paighaam bheja ke ‘Agar tumhare ulma in paadriyo ko mubaahisa me hara sake to hum ye saalaana lagaan dena jaari rakhenge aur agar nahi hara sake to hum ise band kar denge.’
Hāroon al-Rasheed ne Imaam Shaafi'i aur dusre ulema ko darya e Dajla (Tigris) ke kinaare jama karke un paadariyo se mubaahisa karke unhe haraane ke liye kaha.
Imaam Shaafi’i ne apna musalla darya e Dajla ke upar bichha diya aur us ke upar baithkar Aap ne un paadariyo se farmaaya ‘Agar tum log mubaahisa karna chaahte ho to yaha darya e Dajla me aa jaao.’
Aap ki ye karaamat dekhkar wo tamaam paadri foran kalma padhkar musalman ho gaye.
Jab ye baat baadshah e Room ko pata chali to us ne kaha ‘Humari qismat achhi hai ke wo shakhs (Imaam Shaafi'i) Room me nahi aaya. Warna shaayad yaha ke tamaam log musalman ho jaate.
**************
Aap ka nikaah Hameeda bint Naafi se hua, jo Unaisah bin Amr ibn Hazrate Uṡmaan Ghani ki nasl se hain.
Aap ka 1 saahabzaada aur 2 saahabzaadiya hain.
Saahabzaada : Abu Uṡmaan Muhammad,
Saahabzaadiya : Faatima, Zainab.
**************
Hāroon al-Rasheed ke zamaane me aap ko Najran ke Qaazi banaaya gaya. Waha ke governor ne Aap par iljaam lagaya ki Aap Alawi ke saath milkar baghaawat ki saazish kar rahe hain.
187 Hijri (803 A.D.) me Aap ko giraftaar karke Raqqa laaya gaya. Waha ke Qaazi Imaam al-Shaybaani ne tehqeeqaat ke baad Aap ko madad ki aur Hāroon al-Rasheed ne iljaam radd kiya aur Imaam Shafi'i ko Baghdad le jaane ke liye kaha.
188 Hijri (804 A.D.) me aap Baghdad chhodkar Makka aa gaye. Aur waha logo ko ta’aleem e deen karte rahe.
Phir 194 Hijri (810 A.D.) me Baghdad waapas aaye.
Abbaasi Khalifa Al-Ma’amoon ne Aap ko Qaazi banne ke liye kaha. Magar Aap ne inkaar kiya.
198 Hijri (814 A.D.) me Baghdad chhodkar Misr (Egypt) chale gaye.
**************
Aap ka wisaal 30 Rajab 204 Hijri (20 January 820 A.D.) ko Shab e Jum’aa ko hua.
Aap ka mazaar Fustat (Egypt) me hai.
**************
Imaam Ahmad bin Hambal rahmatullāhi alaihi ne Imaam Shaafa'i rahmatullāhi alaihi ko khwaab me dekha aur puchha “ALLĀH ne aap ke saath kya sulook kiya?”
Aap ne jawaab diya “ALLĀH ne mujhe bakhsh diya. Mere sar par taaj rakha aur phir ALLĀH ne farmaaya ki : Yeh is wajah se hai ki tum ne Ilm ki daulat paai lekin us par ghamand na kiya.”
(Ibne Asaakir)
**************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Imaam Muhammad al-Shafi'i rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa'iz muraado ko puri farmae.
Aameen.
Laqab :
‾‾‾‾‾‾‾‾
Nasir-ul-Sunnat (The Defender of Sunnah).
**************
Aap ki wilaadat 150 Hijri (767 A.D.) me Gaza (Palestine) me hui.
Aap ke waalid ka naam Idrees bin Abbaas aur waalida ka naam Faatima binte Abdullāh al-Mahez bin Hasan al-Musanna hai.
Aap Quraish ke Banu Muttalib khaandaan se ta’alluq rakhte hain.
Aap ke naana Hasani saadaat hain.
Aap ki wilaadat ke pehle aap ke waalid ka Shaam me intiqaal hua.
Aap jab 2 saal ke the tab aap ki waalida aap ko lekar Makka aa gai.
**************
Aap 7 saal ki umr me hi Haafiz e Qur’an hue.
Aap ne Mufti e Makka Imaam Muslim ibn Khaalid al-Zanji se ta’aleem haasil ki.
Phir Madeena me Imaam Maalik bin Anas se ta’aleem haasil ki.
10 saal ki umr me Aap ne ‘Muwatta e Imaam Maalik’ ko hifz kiya.
Baghdad me Hazrat Muhammad ibn Hasan al-Shaybani se ta’aleem haasil ki.
15 saal ki umr me aap ne Fatawa dena shuru kiya.
Is ke ilaawa Aap ne Sufyaan ibn Uyaynah al-Hilaali, Daawūd ibn Abdur Rahmān al-Attaar, Muhammad ibn Ali ibn Shaafi, Abdur Rahmān ibn Abu Bakr al-Maaliki, Saeed ibn Saalim, Khwaja Fuzail ibn Ayaaz, Ibrāheem bin Yahyā al-Madani, Hammaad bin Usaama al-Haashimi al-Kufi, Wakee bin Jarraah bin Maleeh al-Kufi, Abdul Wahaab bin Abdul Majeed al-Basri, Mutarrif ibn Maazin, Hishaam ibn Yousuf se bhi ta’aleem haasil ki.
Aap Qur’an, Hadeeṡ, Fiq'h, Tafseer, Falsafa, Ilm e Nahaw, Tasawwuf aur dusre uloom ke maahir hue.
**************
Aap Hazrat Shayban ar-Rai rahmatullāhi alaihi ke mureed hain.
**************
Aap namaaz me roz ek Qur’an majeed mukaammal karte the aur Maah e Ramazaan me 2 baar Qur’an majeed mukammal karte the.
**************
Aap Aa'imma e Araba me se hain.
Aap ka mazhab e fiqh ‘Shaafi’ ke naam se mash'hoor hai.
**************
Aap dusri sadi ke mujaddid e Islaam hain.
Jab log Hadees me apni taraf se baaten milaane lage tab aap ne sahih ahadees jama karna shuru kiya aur logo ko us ki taalim dena shuru kiya. Log apne mulk me suni hui hadees sahih hai ya nahi ye jaanne ke liye aap ke paas aate the.
Jab logo ne Shariat me apni taraf se baaten milana shuru kiya aur ahkaame shariat batane lage tab aap ne Qur’an, Hadees aur Ijma e Ashaaba wa ulema me se apne Qiyaas ke zariye logo ko ahkaame shariat ke masa’il ke hal batana shuru kiya.
Aur is tarah logo ko jo buri bid’at aur rasmen Islaam me daakhil ho gai thi un se bachne ki aur Sunnato ko apnane ki taaleem di.
**************
Tasannif :
‾‾‾‾‾‾‾‾‾‾‾‾
Aap ki likhi hui mash'hoor kitaaben :
(1) Kitaab-ul-Risaala Fi-Usool al-Fiqh
(2) Kitaab-ul-Umm (Fiqh)
(3) Kitaab-ul-Sunan
(4) Masnad-ash-Shafi'i (Hadeeṡ)
(5) Ikhtilaaf-ul-Hadees
(6) Ibtaal-ul-Istihsaan
(7) Ahkaam-ul-Qur’an
(8) Biyaaz-ul-Farz
(9) Fazaa'il e Quraish
(10) Deewaan.
**************
Aqwaal :
‾‾‾‾‾‾‾‾
(1) Jo (ilm ke) samundar me gota lagaata hai wo hi us me se moti paata hai.
(2) Insaan ke Ilm ka paimaana us ne kitna ilm haasil kiya hai ye nahi balke us ilm par kitna amal karta hai ye hai.
(3) Maal o Daulat jama karne me dusro ke saath muqaabala mat karo. Balke hamesha Ibaadat wa neki me un se muqabala karo. Kyun ki Maal sirf dunya me kaam aata hai, magar neki qabr me bhi kaam aati hai.
(4) Kuchh insaan dunya se inteqaal kar jaate hain hai magar un ke achhe kirdaar se hamesha zinda se rehte hain aur kuchh log dunya me ke ba-wajood un ke bure kirdaar ki wajah se murda hote hain.
(5) Waqt talwaar ki tarah hai, Agar tum ne use sahi tarah istemaal na kiya to woh tumhe kaat dega.
(6) Apni zarooraten kam karoge to raahat haasil hogi.
**************
Aap ne apne bhaai ko naseehat karte hue irshaad farmaaya,
“Aye Bhai! Yeh dunya lagzish ki jagah aur ruswa karne waala ghar hai.
Is ki aabaadi Wiraane ki taraf aur is me rehne waale Qabro ki taraf jaa rahe hain.
Is ki thodi cheez bhi judaa hone waali hai. Is ki maaldaari Gharibi ki taraf jaa rahi hai. Is ki kaṡrat me Killat hai aur Is ki muflisi me Maaldaari hain.
ALLĀH ki taraf tawajjoh kar aur us ki di hui rozi par raazi ho jaa.
Jannat ko dunya me girwi na rakho Kyun ki zindagi dhalta hua saaya aur girti Hui deewaar hai.
Is liye amal zyada karo aur ummeede kam kar do.”
(Mukaashfatul Quloob, Safa -207)
**************
Aap ke mash'hoor shaagird :
Imaam Ahmad bin Hambal, Younus ibn Abdul A’ala, Sulaimān bin Daawūd al-Hasyimi, Abu Bakr Abdullāh, Zubair bin Humaidi, Ibrāheem bin al-Munzir al-Hizaami.
**************
Aap Saadaat e kiraam se bahot mohabbat aur adab karte the aur saadaat kam umr ke ho to bhi un ki ta’azeem karte the.
Aap farmaate hain
‘Huzoor Rasool-Allāh sallallāhu alaihi wa sallam ki Aal mere liye zariya e nijaat hai
aur ALLĀH ta’ala ki baargaah me mere liye waseela hai.’
**************
Khalifa Hāroon al-Rasheed ke zamaane me Room ka baadshaah suleh-naame ke tahet har saal lagaan ada karta tha. Ek baar us ne apne Paadariyo ke giroh ke saath lagaan bheja aur saath me paighaam bheja ke ‘Agar tumhare ulma in paadriyo ko mubaahisa me hara sake to hum ye saalaana lagaan dena jaari rakhenge aur agar nahi hara sake to hum ise band kar denge.’
Hāroon al-Rasheed ne Imaam Shaafi'i aur dusre ulema ko darya e Dajla (Tigris) ke kinaare jama karke un paadariyo se mubaahisa karke unhe haraane ke liye kaha.
Imaam Shaafi’i ne apna musalla darya e Dajla ke upar bichha diya aur us ke upar baithkar Aap ne un paadariyo se farmaaya ‘Agar tum log mubaahisa karna chaahte ho to yaha darya e Dajla me aa jaao.’
Aap ki ye karaamat dekhkar wo tamaam paadri foran kalma padhkar musalman ho gaye.
Jab ye baat baadshah e Room ko pata chali to us ne kaha ‘Humari qismat achhi hai ke wo shakhs (Imaam Shaafi'i) Room me nahi aaya. Warna shaayad yaha ke tamaam log musalman ho jaate.
**************
Aap ka nikaah Hameeda bint Naafi se hua, jo Unaisah bin Amr ibn Hazrate Uṡmaan Ghani ki nasl se hain.
Aap ka 1 saahabzaada aur 2 saahabzaadiya hain.
Saahabzaada : Abu Uṡmaan Muhammad,
Saahabzaadiya : Faatima, Zainab.
**************
Hāroon al-Rasheed ke zamaane me aap ko Najran ke Qaazi banaaya gaya. Waha ke governor ne Aap par iljaam lagaya ki Aap Alawi ke saath milkar baghaawat ki saazish kar rahe hain.
187 Hijri (803 A.D.) me Aap ko giraftaar karke Raqqa laaya gaya. Waha ke Qaazi Imaam al-Shaybaani ne tehqeeqaat ke baad Aap ko madad ki aur Hāroon al-Rasheed ne iljaam radd kiya aur Imaam Shafi'i ko Baghdad le jaane ke liye kaha.
188 Hijri (804 A.D.) me aap Baghdad chhodkar Makka aa gaye. Aur waha logo ko ta’aleem e deen karte rahe.
Phir 194 Hijri (810 A.D.) me Baghdad waapas aaye.
Abbaasi Khalifa Al-Ma’amoon ne Aap ko Qaazi banne ke liye kaha. Magar Aap ne inkaar kiya.
198 Hijri (814 A.D.) me Baghdad chhodkar Misr (Egypt) chale gaye.
**************
Aap ka wisaal 30 Rajab 204 Hijri (20 January 820 A.D.) ko Shab e Jum’aa ko hua.
Aap ka mazaar Fustat (Egypt) me hai.
**************
Imaam Ahmad bin Hambal rahmatullāhi alaihi ne Imaam Shaafa'i rahmatullāhi alaihi ko khwaab me dekha aur puchha “ALLĀH ne aap ke saath kya sulook kiya?”
Aap ne jawaab diya “ALLĀH ne mujhe bakhsh diya. Mere sar par taaj rakha aur phir ALLĀH ne farmaaya ki : Yeh is wajah se hai ki tum ne Ilm ki daulat paai lekin us par ghamand na kiya.”
(Ibne Asaakir)
**************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Imaam Muhammad al-Shafi'i rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa'iz muraado ko puri farmae.
Aameen.
0 تبصرے
اپنا کمینٹ یہاں لکھیں