Hazrat Khwaja Sultaan Sayyed Haaji Hood rahmatullāhi alaihi :
Alqaab :
‾‾‾‾‾‾‾‾‾‾
Abul Barkaat, Siraaj-ul-Hind, Qutb-ul-Aqtaab, Mublligh-e-Aazam.
****************
Aap ki wilaadat 416 Hijri (1025 A. D.) me Damascus ke qareeb Khanfur (Syria) me hui.
Aap ke waalid ka naam Sultaan Sayyed Avvana Sub'hāni Abdullāh hai.
Aap Husaini saadaat hain.
****************
Aap ki wilaadat se pehle Huzoor Nabi e kareem sallallāhu alaihi wa sallam ne Aap ke waalid ko khwaab me bashaarat farmai ke “Tumhare yaha ek saaleh farzand aane waala hai jis ka naam Hood rakha jaaye.”
****************
Aap 14 saal ki umr me Haafiz e Qur’an aur Qaari ban gaye.
Phir Hadeeṡ, Ilme Nahaw aufr deegar uloom ki ta’aleem haasil ki.
***************
430 Hijri (1039 A. D.) me 14 saal ki umr me Aap Samarqand ke sultaan bane.
Aap Siyasati umoor ke maahir the aur har dil azeez the. Jab faarigh hote to ibaadat me masroof rehte.
444 Hijri (1053 A. D.) me Huzoor sallallāhu alaihi wa sallam ne khwaab me farmaaya ke “Bete! Deen ko dunya par tarjeeh do.”
Aap 28 saal ki umr me sab kuchh chhodkar Makka mukarrama tashreef le gaye aur waha 36 saal qayaam pazeer rahe. Aap har saal Hajj ada karte.
Phir Madeena munawaara me muqeem hue.
Ek martaba Aap ne Roza e Rasool sallallāhu alaihi wa sallam par haazir hokar salaam pesh kiya “Assalaamu alaikum Ya Jadadi” to Roza mubarak se aawaaz aai “Wa alaikum assalaam Ya Waladi”.
Kuchh arse baad Aap Yemen hote hue Chisht tashreef le gaye aur Hazrat Khwaja Sayyed Abu Yousuf Chishti rahmatullāhi alaihi ke mureed hue. Aur Hazrat ki khidmat me rehkar baatini ta’aleem haasil ki.
Ek roz Hazrat ne Aap ko bulakar Khilaafat ata farmai aur Musalla, Asaa mubarak aur Naalain bataur tabarrukaat diye aur Hindustan jaakar khidmate deen karne ke liye farmaaya.
Is ke baad Aap Samarqand aaye aur phir Hindustan ki jaanib safar shuru kiya.
**************
485 Hijri (1092 A.D.) me Raaja Karandev ke zamaane me Aap apne saahabzaade Hazrat Sayyed Ismāeel aur apne wazeer Haaji Husain samet 200 afraad ke saath Patan (Gujarat) tashreef laaye aur Islaam ki shuruat ki.
Patan me tashreef laane ke baad Aap ne ek Mandir ke saamne ek maidaan me qayaam farmaya. Mandir me hire moti jadi hui murtiya aur bahot sona chaandi tha. Mandir ki hifaazat ke liye ek baagh (tiger) paal rakha tha, jise shaam ko khula chhod diya jaata tha. Agar koi anajaan shakhs waha pahunch jaata to wo baagh use maarkar khaa jaata tha.
Aap apne saathiyo ke saath Asr ke waqt par waha pahunche. Namaaze asr padhkar faarigh hue to dekha ke baagh daudta hua aa rah hai.
Aap ke saathiyo ne arz kiya “Huzoor! Baagh hamari taraf aa raha hai.” Aap farmaya “Gabhraao nahi, Yeh baagh mujh par hamla karega aur in sha Allāh maara jaayega.”
Jaise hi baagh ne Aap par hamla kiya aur Aap ne baagh ke dono jadbo ko pakad kar use cheer daala.”
Raaja ko jab is ki khabar mili to us ne apne sipaahiyo ko Aap ko giraftaar karne ke liye bheja. Jaise hi sipaahi Aap ke qareeb aaye wo zameen me ghansne lage. Seene tak zameen me ghansne ke baad unho ne Aap ko iltija ki. Aap ko raham aaya aur unhe baahar nikaala. Phir Aap ne un se farmaaya “Main yaha kuchh lene ke liye nahi aaya balke tumhe sidha raasta bataane aaya hu. ALLĀH ek hai aur wo hi ibaadat ke laa'iq hai aur Hazrat Mohammad sallallāhu alaihi wa sallam us ke Rasool hain.”
Aap ki batao se muta’aṡṡir hokar sipaahi islaam me daakhil ho gaye.
Is ke baad Raaja Karandev Aap ke paas aaya. Aap ke nooraani chehre ko dekhkar woh khaamosh ho gaya. Aap ne puchha “Tum kis ki ibaadat karte ho?” Raaja ne kaha “Main is mandir me jo bhagvaan hain un ki puja karta hu.” Aap ne farmaaya “Main un buto ko dekhna chaahta hu.” Raaja Aap ko mandir ke andar le gaya aur buto ko dikhaaya. Aap ne sab se bade aur sajaaye hue but ki taraf ishaara karke farmaaya “Yeh tumhara khuda hai?” Jaise hi Aap ne apne haath se ishaara kiya woh but toot kar zameen par gir gaya. Yeh dekhkar Raaja mutaṡṡir hua.
Raaja ne Patan me ek masjid ta’ameer ki jo ‘Masjid Karna’ ke naam se mash'hoor hai.
Aap ne Patan me qayaam karke isha’ate islaam karna shuru kiya aur ta’aleem wa faiz ata farmaate rahe.
51 saal me hazaaro logo ne Islaam apnaaya. Aap ‘Mublligh-e-Aazam’ kehlaate hain.
Aap Qutb-e-zamaan the.
****************
Aap Hazrat Khwaja Sayyed Nasir-ud-deen Abu Yousuf Chishti rahmatullāhi alaihi ke mureed aur khalifa hain.
****************
Aap ka wisaal 15 Rajab 536 Hijri (February 1142 A.D.) ko 120 saal ki umr me hua.
Aap ka mazaar Patan (Gujarat) me Khan Sarovar Darwaaza ke paas hai.
****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Sultaan Sayyed Haaji Hood rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa'iz muraado ko puri farmae.
Aameen.
Alqaab :
‾‾‾‾‾‾‾‾‾‾
Abul Barkaat, Siraaj-ul-Hind, Qutb-ul-Aqtaab, Mublligh-e-Aazam.
****************
Aap ki wilaadat 416 Hijri (1025 A. D.) me Damascus ke qareeb Khanfur (Syria) me hui.
Aap ke waalid ka naam Sultaan Sayyed Avvana Sub'hāni Abdullāh hai.
Aap Husaini saadaat hain.
****************
Aap ki wilaadat se pehle Huzoor Nabi e kareem sallallāhu alaihi wa sallam ne Aap ke waalid ko khwaab me bashaarat farmai ke “Tumhare yaha ek saaleh farzand aane waala hai jis ka naam Hood rakha jaaye.”
****************
Aap 14 saal ki umr me Haafiz e Qur’an aur Qaari ban gaye.
Phir Hadeeṡ, Ilme Nahaw aufr deegar uloom ki ta’aleem haasil ki.
***************
430 Hijri (1039 A. D.) me 14 saal ki umr me Aap Samarqand ke sultaan bane.
Aap Siyasati umoor ke maahir the aur har dil azeez the. Jab faarigh hote to ibaadat me masroof rehte.
444 Hijri (1053 A. D.) me Huzoor sallallāhu alaihi wa sallam ne khwaab me farmaaya ke “Bete! Deen ko dunya par tarjeeh do.”
Aap 28 saal ki umr me sab kuchh chhodkar Makka mukarrama tashreef le gaye aur waha 36 saal qayaam pazeer rahe. Aap har saal Hajj ada karte.
Phir Madeena munawaara me muqeem hue.
Ek martaba Aap ne Roza e Rasool sallallāhu alaihi wa sallam par haazir hokar salaam pesh kiya “Assalaamu alaikum Ya Jadadi” to Roza mubarak se aawaaz aai “Wa alaikum assalaam Ya Waladi”.
Kuchh arse baad Aap Yemen hote hue Chisht tashreef le gaye aur Hazrat Khwaja Sayyed Abu Yousuf Chishti rahmatullāhi alaihi ke mureed hue. Aur Hazrat ki khidmat me rehkar baatini ta’aleem haasil ki.
Ek roz Hazrat ne Aap ko bulakar Khilaafat ata farmai aur Musalla, Asaa mubarak aur Naalain bataur tabarrukaat diye aur Hindustan jaakar khidmate deen karne ke liye farmaaya.
Is ke baad Aap Samarqand aaye aur phir Hindustan ki jaanib safar shuru kiya.
**************
485 Hijri (1092 A.D.) me Raaja Karandev ke zamaane me Aap apne saahabzaade Hazrat Sayyed Ismāeel aur apne wazeer Haaji Husain samet 200 afraad ke saath Patan (Gujarat) tashreef laaye aur Islaam ki shuruat ki.
Patan me tashreef laane ke baad Aap ne ek Mandir ke saamne ek maidaan me qayaam farmaya. Mandir me hire moti jadi hui murtiya aur bahot sona chaandi tha. Mandir ki hifaazat ke liye ek baagh (tiger) paal rakha tha, jise shaam ko khula chhod diya jaata tha. Agar koi anajaan shakhs waha pahunch jaata to wo baagh use maarkar khaa jaata tha.
Aap apne saathiyo ke saath Asr ke waqt par waha pahunche. Namaaze asr padhkar faarigh hue to dekha ke baagh daudta hua aa rah hai.
Aap ke saathiyo ne arz kiya “Huzoor! Baagh hamari taraf aa raha hai.” Aap farmaya “Gabhraao nahi, Yeh baagh mujh par hamla karega aur in sha Allāh maara jaayega.”
Jaise hi baagh ne Aap par hamla kiya aur Aap ne baagh ke dono jadbo ko pakad kar use cheer daala.”
Raaja ko jab is ki khabar mili to us ne apne sipaahiyo ko Aap ko giraftaar karne ke liye bheja. Jaise hi sipaahi Aap ke qareeb aaye wo zameen me ghansne lage. Seene tak zameen me ghansne ke baad unho ne Aap ko iltija ki. Aap ko raham aaya aur unhe baahar nikaala. Phir Aap ne un se farmaaya “Main yaha kuchh lene ke liye nahi aaya balke tumhe sidha raasta bataane aaya hu. ALLĀH ek hai aur wo hi ibaadat ke laa'iq hai aur Hazrat Mohammad sallallāhu alaihi wa sallam us ke Rasool hain.”
Aap ki batao se muta’aṡṡir hokar sipaahi islaam me daakhil ho gaye.
Is ke baad Raaja Karandev Aap ke paas aaya. Aap ke nooraani chehre ko dekhkar woh khaamosh ho gaya. Aap ne puchha “Tum kis ki ibaadat karte ho?” Raaja ne kaha “Main is mandir me jo bhagvaan hain un ki puja karta hu.” Aap ne farmaaya “Main un buto ko dekhna chaahta hu.” Raaja Aap ko mandir ke andar le gaya aur buto ko dikhaaya. Aap ne sab se bade aur sajaaye hue but ki taraf ishaara karke farmaaya “Yeh tumhara khuda hai?” Jaise hi Aap ne apne haath se ishaara kiya woh but toot kar zameen par gir gaya. Yeh dekhkar Raaja mutaṡṡir hua.
Raaja ne Patan me ek masjid ta’ameer ki jo ‘Masjid Karna’ ke naam se mash'hoor hai.
Aap ne Patan me qayaam karke isha’ate islaam karna shuru kiya aur ta’aleem wa faiz ata farmaate rahe.
51 saal me hazaaro logo ne Islaam apnaaya. Aap ‘Mublligh-e-Aazam’ kehlaate hain.
Aap Qutb-e-zamaan the.
****************
Aap Hazrat Khwaja Sayyed Nasir-ud-deen Abu Yousuf Chishti rahmatullāhi alaihi ke mureed aur khalifa hain.
****************
Aap ka wisaal 15 Rajab 536 Hijri (February 1142 A.D.) ko 120 saal ki umr me hua.
Aap ka mazaar Patan (Gujarat) me Khan Sarovar Darwaaza ke paas hai.
****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Khwaja Sultaan Sayyed Haaji Hood rahmatullāhi alaihi aur tamaam Auliya Allāh aur Ahle bait ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa'iz muraado ko puri farmae.
Aameen.
0 تبصرے
اپنا کمینٹ یہاں لکھیں