حلال و حرام جانور کی شناخت کا طریقہ

« احــکامِ شــریعت » 

---------------------------------

حلال و حرام جانور کی شناخت کا طریقہ

➖➖➖➖➖➖➖➖➖➖➖

اَلسَلامُ عَلَيْكُم وَ رَحْمَةُ اَللهِ وَ بَرَكاتُهُ‎ 

حضور گزارش ہے کہ کون کون سا پرندہ حلال ہے اور حلال پرندوں کی پہچان کیا ہے ؟ 

*المستفتی : رالھدی نوری بلیا*

__________❣⚜❣___________

*وعلیکم السلام و رحمۃ اللّٰہ و برکاتہ*

*📝الجواب بعون الملک الوہاب ⇩*

جانوروں کی دو قسمیں ہیں پہلی قسم دریائی جانور دوسری قسم خشکی والے جانور ۔

① دریائی جانور سبھی حرام ہیں سوائے مچھلی کے

② خشکی والے جانوروں کی تین 

قسمیں ہیں قسم اول : ان جانوروں کی جن کے اندر خون نہیں ہوتا ہے ۔

قسم دوم : ان جانوروں کی جن کے اندر بہنے والا خون نہیں ہوتا ہے ۔

قسم سوم : ان جانوروں کی جن کے اندر بہنے والا خون ہوتا ہے ۔

① وہ جانور جس کے اندر خون نہیں ہوتا ہے جیسے بھڑ مکھی ، مکڑی ، گبریلا ، بچھو وغیرہ سب حرام ہیں سوائے ٹڈی کے ۔

② وہ جانور جن کے اندر بہنے والا خون نہیں ہوتا ہے جیسے سانپ ، مینڈک ، گرگٹ ، چھپکلی ، گوہ ، چوہا ، چھچھوندر ، سیہی ، نیولا وغیرہ حرام ہیں ۔

③ وہ جانور جن کے اندر بہنے والا خون ہوتا ہے ۔

ان کی دو قسمیں ہیں قسم اول : پالتو جانور ۔

قسم دوم : جنگلی جانور ۔

① پالتو مویشی جیسے اونٹ ، گائے ، بھینس ، بکری وغیرہ حلال ہیں سوائے گدھا اور خچر کے ۔

② جنگلی جانور جیسے ہرن ، نیل گائے ، جنگلی گدھا ، جنگلی اونٹ وغیرہ حلال ہیں ۔

③ وہ پالتو جانور جو پنجوں سے شکار کرتے ہیں جیسے کتا ، بلی ، تیندوا وغیرہ حرام ہیں ۔

④ جنگلی درندے جو دانتوں سے شکار کرتے ہیں جیسے شیر ، گیڈر ، بھیڑیا ، بجو ، چیتا ، لومڑی ، بندر ، ریچھ ، سنجاب وغیرہ حرام ہیں ۔

⑤ وہ جنگلی پرندے جو پنجوں سے شکار کرتے ہیں جیسے چیل ، کوا ، گدھ ، اُلو ، باز ، شاہین ، عقاب وغیرہ حرام ہیں ۔

⑥ وہ پالتو پرندے جو دانہ چنتے ہیں جیسے مرغی ، بطخ وغیرہ حلال ہیں ۔

⑦ وہ جنگلی پرندے جو دانہ چنتے ہیں جیسے کبوتر ، فاختہ ، گوریا ، چکور ، سارس ، بگولہ ، قمری وغیرہ حلال ہیں

📃جیسا کہ فتاوی عالمگیری میں ہے کہ

*" الحيوان فى الاصل نوعان نوع يعيش فى البحر و نوع يعيش فى البر ، اما الذى يعيش فى البحر فجميع و المستانس منه كالدجاج و البط و المتوحش كالحمام و الفاختة و العصافير و القبح و الكركى و الغراب الذى ياكل الحب والزرع و نحوها حلال بالاجماع كذا فى البدائع و لا باس بالقمرى و السودانى و الزرزور كذا فى فتاوى قاضيخان " اھ*

*(📚فتاوی عالمگیری ج 5 ص 289 : الباب الثانی فی بیان ما یوکل من الحیوان وما لا یوکل)*

*واللہ اعلم بالصواب*

__________❣⚜❣___________

*✍🏻شرف قلم: حضرت علامہ و مولانا کریم اللہ رضوی صاحب قبلہ مدظلہ العالی والنورانی خادم التدریس دار العلوم مخدومیہ اوشیورہ برج جوگیشوری ممبئی، مہاراشٹرا۔*

*+917666456313*

__________❣⚜❣___________